ZAKARIA 14:17 - WUKE SUSI WATTI'U AL᷊AL᷊USASSA

¹⁷ Amungkangngu pia balahanna apan maddiri inai watukku Yerusalem massubba Ratu, Mawu Apan Lembontaṛṛino, ne su wanuanne sarun tawe sumossokka uranna.

ZAKARIA 14:17 Iomraidhean Croise

PANDARIADDI 10:32

Sarangkanambone udde papapulunni Nuh, balahanna sansunannu walahanna, tumuṛṛuttu akkitu papapulunni mangitou sambau-sambau. Ete i mangitou nanossokku manga walahanna su runia indi napawe wua nammanawangnga wahewa udde.

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 MARARATU 8:35

Napawe uman-Nu ma'ola'a rosa Si'o wuṛṛu I'o makkuumanni mangitou ringannu tawe nanossokku uranna ana see i mangitou mawal᷊u wuassu rosa mangitou wuṛṛu mangaddatta Si'o Mawu, wua'udde sumaruanna watukku wal᷊en patataṛṛamawuanna indi see umal᷊iomanna Si'o,

2 TAWARIKH 6:26

Amungkangu al᷊aṛṛanang-Ngu marosa su saruan-Nu wuṛṛu I'o makkumanni mangitou ringannu tawe manossokku uranna, ana see i mangitou mawal᷊u wuassu rosan mangitou wuṛṛu mangaddatta Si'o Mawu, wua'udde sumaruanna watukku Wal᷊en-Nu indi lapiddu umal᷊iomanna Si'o,

2 TAWARIKH 7:13

Amungkangu i Ya'u tawe manossokku uranna ara'e i Ya'u mandolokku saṛṛappalanna iapainsue manga sasuanna ara'e mandantan saidalu su al᷊aṛṛana-U,

YESAYA 18:7

Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YESAYA 60:12

Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 14:3

Manga mangangimbe taumata ala nirolokka maddea'a ua'e su al᷊awo'u tampa; tate loṛṛone wensadda apan niapiddi mangitou apia. Ringannu u'al᷊iwu wuṛṛu tate antimma i mangitou massili wuṛṛu nallindumma hati.

YEREMIA 14:4

Uranna tawe mangansalla wuṛṛu leta'a mamara-mara; mabbawailla mannaappa hati ana waugu tumaniten sinumassilla.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

ZAKARIA 14:16

Wua'udde anambon taumata apan ta'e wiakka suwallattu manga walahanna apan namangalo Yerusalem, sarun inai watukku soa udde massubba Ratu, Mawu Apan Lembontarṛṛino, wuṛṛu tadea'u maddamean Andeangngu Rasannu Rongnga.

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.

TAHIUL᷊E 11:17

Amungkangngu i yamiu lumawangnga parenta udde, Mawu sarun masa'u si yamiu. I Tou sarun tawe manossokku uranna; lettangngu mabbal᷊i mamara-mara maoman sara sasuanna lai tawe mangonggolu wuane. Ne tawe mal᷊annu i yamiu sarun mate su leta'a masuwukka apan nionggolu Mawu si'o.

YAKOBUS 5:17

Elia taumata lai ere i ite. I tou u'al᷊iomanna ringannu atonna-tonna, tadea'u tawe manguranna, ne tawe nanguranna tallu tonna annumu wul᷊anna al᷊annune.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.