ZAKARIA 14:10 - WUKE SUSI WATTI'U AL᷊AL᷊USASSA

¹⁰ Ahewallu wanua wuassu Geba su sawannakka maddatingngu Rimon su timukka, sarun maola'a lete'a ratakke. Arawe Yerusalem sarun manginnuitta matanggakka, mattaggaṛṛanna wuassu leta'a maranine, soa udde sarun aatambanna ahewalle wuassu Ngara Pasallanganni Benyamin maddatingngu Ngara Pasallangannu Pappi'uanne, eteudde tampa ngara pasallanganna paarorone wuṛṛu wuassu Menara Hananel maddatingngu tampa pamamakkannu anggore pussa'an datu.

ZAKARIA 14:10 Iomraidhean Croise

1 MARARATU 15:22

Wua'udde, anambon taumata su ahewallu Yehuda tawe lambene niparentanni Ratu Asa maṛṛo'otta watu wuṛṛu alu apan nipaatti Baesa su Rama ipanohassa soa udde. Manga aola'a udde nipaatti Asa pinanohassa soa Mizpa wuṛṛu Geba, sambau soa su wageangngu leta'i Benyamin.

2 MARARATU 14:13

I Yoas nanametta si Amazia, ana see inaite watukku Yerusalem wuṛṛu nanggohakku darandungu soa udde al᷊o'engnge iraṛṛangngo rua ṛasutta su meterene, manattakka wuassu Ngaran Efraim naddatingu Ngara Pasallanganna Wuune.

1 TAWARIKH 4:32

I mangitou lai uatana'a su lima tampa waine, eteudde Etam, Ain, Rimon, Tokhen, Asan,

1 TAWARIKH 6:77

Papapulunni Merari apan taambe naasomba tahia leta'a, naasomba manga ampungnga manansunna indi ringannu manga wadda'u nannal᷊o maranine: Su wageangngu leta'u ṛuanganni Zebulon; Rimono wuṛṛu Tabor.

2 TAWARIKH 25:23

Yoas nanametta si Amazia wuṛṛu niapidda watukku Yerusalem, ana see nanggohakku manga darandungu soa udde al᷊o'engnge iraṛṛangngo 200 metere, manattakka wuassu Ngara Wahewan Efraim maddatingngu Ngara Wahewan Buune.

2 TAWARIKH 26:9

Su ipanohassa soa Yerusalem, i Uzia napararisikku wal᷊en matanggakka su Ngara Wahewan Buune, wuṛṛu su Ngara Wahewan Bawal᷊anne wuṛṛu su pabbuuannu darandungngu soa.

NEHEMIA 12:39

Ana see i yami niumamattu Ngara Wahewallu Efraim, Ngara Wahewalla Tabbe, Ngara Wahewallu Inassa, Menara Hananeel wuṛṛu Menara Mea naddatingngu Ngara Wahewallu Domba. Barisanni yami nattaalla maranin Ngara Wahewalla Pandiagganna maranin Wal᷊en Mawu.

NEHEMIA 3:1

Eteindi papasingkatta su ola'u ereapa darandungngu so Yerusalem niola'a apia. Imam Wahewalla Elyasib wuṛṛu manga hawene na'ola'a apia Ngara Wahewalla Domba, nandeettu manga pappallu ngara wuṛṛu niṛṛae humam Mawu. I mangitou nangapia wuṛṛu naṛṛaen darandungnga naddatingngu Candi Hananeel.

YESAYA 10:29

I mangitou buatte sinumabbi pallal᷊iuanna wuṛṛu nanaṛṛabbi su Geba! Tumana'u soan Rama nata'utta, wuṛṛu tumana'u Gibea, soan Ratu Saul, tinumal᷊angken batanganne.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

YEREMIA 20:2

i tou namarenta tadea'u i ya'u puul᷊anna wuṛṛu imantungnga su Ngaran Benyamin, ngara al᷊iurosne su Wal᷊en Mawu.

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YEREMIA 37:13

Arawe sutempo i ya'u na'omate su Ngara Pasallanganna su leta'u Benyamin, tembonannu tantara apan mammanara isudde nanaṛṛangnga si ya'u wuṛṛu nabbisara, “I'o tumal᷊angnga su samba'an taumatan Babel!” (Tembonannu tantara udde aranne i Yeria; i tou ana'i Selemya wuṛṛu pulunni Hananya.)

YEREMIA 38:7

Sutempo udde pia sangkatou Sudan apan mammanara su wal᷊en araratuanna. Aranne i Ebed-Melekh. I tou naaringikka manungku i ya'u buatte nitaṛṛo sulal᷊ummu paṛṛihi udde. Sutempo ratu tantal᷊anna mammiaṛṛa'u ammul᷊anna su Ngara Pasallangannu Benyamin,

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

MIKHA 4:1

Su manga allo addantane wuidda, tampan Wal᷊en Duata sarun dumarisikka matul᷊idda wuṛṛu u'innuitta matanggakka nangampal᷊iu manga wowone wuṛṛu manga wuidda Anambon walahanna uawawambio inai poiaroddi.

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

ZAKARIA 2:4

Mala'ekatta paarorone nabbisara su mala'ekatta aruane, “Roote paal᷊ihakka ringannu umbasanna udde, wuṛṛu wal᷊oa'a si tou manungku Yerusalem sarun masaddattu taumata wuṛṛu winatangnga papadul᷊iananna na'oman sara tawe mariaddi olaanna darandungnga ipamaliwutta.

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

MAL᷊AṚṚUUNGNGA 20:45

Tantaran Benyamin waine nabelengke ana see tinumal᷊angnga sinumabbi wadda'a nattudda watukku manga wowon batu su Rimon. Lima ṛiwu su atoune suwallati mangitou niapate su tangngan dal᷊anna. Ingana'a waine nasal᷊a nienggenanna na'oman sara Gideom. Wuassu anambon manga taumata udde pia 2.000 su atoune apan niapate.

MAL᷊AṚṚUUNGNGA 20:47

Arawe wuassu wallati mangitou apan tinumal᷊angnga sinumabbi leta'u wadda'a mattudda watukku wowon batu su Rimon pia 600 su atoune apan naatal᷊angnga. I mangitou natana'a su Rimon appatu wul᷊anna al᷊annune.

MAL᷊AṚṚUUNGNGA 21:13

Wua'udde anambon walahannu Israel nandolokku daroloṛanna su manga taumatan Benyamin apan uatana'a su manga wowon batu su Rimon tadea'u mangahe mallaṛa'u paddarame.