ZAKARIA 13:9 - WUKE SUSI WATTI'U AL᷊AL᷊USASSA

⁹ Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

ZAKARIA 13:9 Iomraidhean Croise

2 SAMUEL 7:24

Walahannu Israel buatte niolang-Ngu al᷊aṛṛanang-Ngu sassane saran mal᷊annu-l᷊annu, wuṛṛu I'o oh Mawu, naola'a Ruatan mangitou.

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

AYUB 28:1

Pia paal᷊ianna isudde sal᷊a'a niasombanganna; pia tampa isudde wul᷊awanna wabbaresianna.

DARALO 144:15

Lal᷊umanna'a su walahanna apan ereudde, lal᷊umanna'a su taumata apan Ruatane Mawu!

DARALO 43:4

Ne i ya'u sarun mattudan mezbah Duata, sumaruanna Ruata punnu al᷊al᷊ua'u. I ya'u sarun mangantari wuṛṛu mannalanga kecapi, ipaddalo Si'o, oh Ruata, Ruata'u.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

ANTARI MAWANTUGA 2:16

Tatuno naungku pussaa'u, wuṛṛu ia'i tatahuananne, i tou mallu'adda manga dombane suwallattu manga bunga hal᷊ohomma

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

YESAYA 48:10

I Ya'u maddalo Si'o sulal᷊ummu putungngu asasusa, ere sal᷊a'a apan niwaresi su auntapanna.

YESAYA 58:9

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.

YEREMIA 24:5

“Manga taumata apan buatte Ta'u niwala niapidda watukku Babel udde mawala si Ya'u ere wuan ara apan mangkapia indi; ana waugu udde i Ya'u, Mawu, Ruatan Israel, sarun mappadul᷊i si mangitou ringannu mapia.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

YEHEZKIEL 14:11

Sarangkanambone udde Ta'u olaanna tadea'u taumatan Israel tate mangindau-U wuṛṛu lai tate malluhudda watanganne ringannu rosa. Ringannu aroddi i mangitou sarun maola'a uma-U, wuṛṛu i Ya'u maola'a Ruata mangitou.” I Ya'u, Mawu Apan Atanggaṛṛanne buatte nabbisara.

YEHEZKIEL 20:38

Manga lumal᷊awangnga wuṛṛu mandal᷊al᷊eo sarun Ta'u iramme wuassu wallatti yamiu. I mangitou sarun Ta'u iapidda sumabbangnga wuassu manga wanua tampa atatanaanni mangitou orassa indi wuṛṛu tawe Ta'u iwala mabbelengnga su leta'u Israel. Ne i yamiu naasingkatte manungku i Ya'u Mawu.”

YEHEZKIEL 36:28

Ne i yamiu sarun matana'a su leta'a apan buatte Ta'u nionggolla su iupungngu al᷊amonanu. I yamiu sarun maola'a uma-U wuṛṛu i Ya'u lai sarun maola'a Ruatanu.

YEHEZKIEL 37:27

I Ya'u sarun manata'a suadio'a ringanni mangitou, i Ya'u sarun maola'a Ruata mangitou wuṛṛu i mangitou uma-U.

DANIEL 11:35

Sambageanganna wuassu manga piaṛṛa'a apan pande udde sarun iapate, arawe udde tumba'u sambau sasal᷊ua'tta su taumata ma'oman sara i mangitou mabbali waresi. Olangnge udde sarun mariaddi maddatingngu pangudussannu tempo, eteudde tempo apan buatte nitantunnu Ruata.

DANIEL 12:10

Manambo taumata sarun iannamma wuṛṛu waresianna. I mangitou apan dal᷊eo sarun tawe maassunna wuṛṛu sidutu ma'ola'a al᷊al᷊eo; tumba'u i mangitou apan pande sarun maasunna.

YOEL 2:32

Arawe isai-sai apan maddorongnga aontollu Mawu, sarun iapasal᷊amatta. Mawu nabbisara, “Su Yerusalem manga taumata apan Ta'u nipile sarun masal᷊amatta.”

IMAMATTA 26:12

I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

ZAKARIA 8:8

wuṛṛu mangapiddi mangitou mabbelengnga wuassu ra'i wuṛṛu wuassu waṛṛatta, ma'oman sara i mangitou matana'a su Yerusalem apia. I mangitou sarun mabbal᷊i uma-U wuṛṛu i Ya'u Ruatan mangitou. I Ya'u sarun mamarenta si mangitou ringannu satia wuṛṛu atatul᷊idda.”

WATTI'U MANGA RASUL 2:21

Su tempo udde taumata apan mailal᷊are su Mawu sarun masal᷊amatta.’

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 PETRUS 4:12

Manga tuṛṛangnga apan arangnguanna! I yamiu orassa indi lembon uatataṛṛanga susa ana waugu tantal᷊anna iaannamma. Arawe arie tumiangnga, paṛṛimaunnapa ere pia sambau riaddianna apan wahewalla mariaddi si yamiu.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

SONDAPPA 8:10

Wua'udde mala'ekatta atallune nattiuppa trompeti tou, ne sambau anumpitanna apan wahewalla, lukkenggama ere sol᷊o, nanawo wuassu langitta, see nema'a su sepertiga wuassu manga sal᷊ukka wuṛṛu al᷊imatan ua'e.

SONDAPPA 8:11

(Arannu anumpitanna udde “Mapetta”.) Ne sepertiga wuassu ua'e nabbal᷊i mapetta, wuṛṛu natete lai anambon taumata ana waugu na'inumma ua'e apan nabbal᷊i mapetta udde.

SONDAPPA 8:12

See mala'ekatta aiappane nattiuppa trompeti tou. Ne niapuulle sepertiga wuassu matannallo, sepertiga wuassu wul᷊anna, wuṛṛu sepertiga wuassu manga anumpitanna, na'oman sara nawul᷊ite sepertiga wuassu semakki mangitou. Wuṛṛu lai sepertiga wuassu allo tawe maasemakka wuṛṛu aroddi lai sepertiga wuassu ṛabbi.

SONDAPPA 8:7

Mala'ekatta paarorone nattiuppe trompeti tou, ne uranna eisse wuṛṛu putungnga lal᷊o'annu ṛaṛṛa nangansala su runia. Sepertiga wuassu runia nasue natutungnga; aroddi lai sepertiga wuassu manga aaluanna, wuṛṛu al᷊awo'u nannal᷊o apan ma'elomma.

SONDAPPA 8:8

See mala'ekatta aruane nattiuppa trompeti tou, ne sambau apan tumanitem bahewalla niasiloanna naal᷊ihidda wowone apan lukkenggama niwontola su tahal᷊oangnga. See sepertiga wuassu tahal᷊oangnga, nawal᷊u nabbal᷊i ṛaṛṛa,

SONDAPPA 8:9

wuṛṛu natete lai sepertiga wuassu al᷊awo'u winatangnga su tahal᷊oangnga; aroddi lai naṛṛimunsa'a sepertiga wuassu manga apalla.