ZAKARIA 13:7 - WUKE SUSI WATTI'U AL᷊AL᷊USASSA

⁷ Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

ZAKARIA 13:7 Iomraidhean Croise

DARALO 2:2

Manga Ratun dunia sangkawuatta wuṛṛu manga tembonanne ma'ire lumawanga Mawu wuṛṛu ratu apan nipile-Ne.

YESAYA 1:25

I Ya'u sarun mabbal᷊issa si yamiu. Naal᷊ihidda taumata apan mammaresi logamma, i yamiu sarun Ta'u waresianna; al᷊awo'a apan pia luhudde sarun Ta'u iramme wua dinganni yamiu.

YESAYA 27:1

Sutempo udde Mawu sarun mappaattu hal᷊ele-Ne apan matohassa wuṛṛu maṛṛoro ipakkuumannu Lewiatan, atoanna apan tuttundo wuṛṛu mammul᷊issa udde, wuṛṛu ipamate nagan tahal᷊oangnga.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YEREMIA 47:6

I yamiu uui, ‘Sara tingngera i'o mamangalo, ore hal᷊elen Mawu? Pabbelengke su papaṛṛangannu wuṛṛu atana'e poiaroddi ringannu matammudda!’

YEHEZKIEL 21:28

“Ei taumata apan mattate, pani'atte! Pasingkata'e su taumatan Amon apan buatte nallobbossa Israel, manungku i Ya'u, Mawu Apan Atanggaṛṛanne nabbisara, ‘Halele sammata nariahite ipamate; hal᷊ele udde buatte niasa lullendappa ere sawallo, tadea'u nasaddiate ipamate.

YEHEZKIEL 21:3

manungku i Ya'u, Mawu, nabbisara arendi, ‘I Ya'u indi seennu. I Ya'u sarun manawutta hal᷊ele-U wuṛṛu mamate si yamiu sarangkanambone, apan dal᷊eo ara'e lai mapia.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

YEHEZKIEL 7:6

Orassa indi sarangkanambone nuddusse. Ete indi panginsueannu. Tate antimma lai si yamiu.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

ZAKARIA 11:11

Su allo udde lai paaire tawe nariaddi. Manga mabbawal᷊u'u domba uataṛṛapa si ya'u, wuṛṛu i mangitou naatutukke manungku Mawu tantal᷊anna mabbisara sulal᷊ummu inolaangku.

ZAKARIA 11:4

Mawu Ruata nabbiara si ya'u, “I'o pattingkaola'e ere mallal᷊u'adda apan uataṛṛapa domba apan sarun ṛatanna.

ZAKARIA 11:7

I ya'u, Zakaria, ana see nisewannu manga mabbawal᷊u'u domba tadea'u mallu'adda manga domba apan sarun ratanna. I ya'u pia darua ta'inna; iapa sambua ta'u nisaggo “Aakkanna” wuṛṛu iapa sambau lai “Nii'itta”. Wua'udde i ya'u mannattakke mandiaga wuṛṛu mammadul᷊i manga domba udde.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

MATIUS 10:42

Isai-sai mappa'inumma, salaiwe tumba'u ua'e tallangnga, su sangkatou su wallattu manga taumata asiangnga indi, ana waugu i tou mallal᷊aṛṛenggeng-Ku, pangimanna i tou sarun manengkamma lal᷊antakke!”

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

MATIUS 18:14

Aroddi lai Iamangngu apan su surga, madiri saran sangkatou su wallattu manga taumata wakku mangngimanna si Ya'u indi umal᷊iwu.”

MATIUS 26:31

See Mawu Yesus nabbisarate su mallal᷊aṛṛenggen-Ne, “Ṛabbi indi lai yamiu sarangkanambone tumal᷊angnga manantang-Ku; ana waugu sulal᷊ummu Wuke Susi uawoṛṛetta, Ruata nabbisara, ‘I Ya'u sarun mamate mallal᷊u'adda udde, wuṛṛu ammul᷊annu dombane sarun massal᷊iawukka.’

MATIUS 26:56

Arawe atonna naṛṛinote aroddi tadea'u matipusse apa apan niwoṛṛettu manga nabi sulal᷊ummu Wuke Susi.” Wua'udde, manga mallal᷊aṛṛenggen-Ne tinumal᷊angke nanantangngu Mawu Yesus.

MARKUS 14:27

Wua'udde Mawu Yesus nabbisara si mangitou, “I yamiu sarangkanambone sarun tumal᷊angnga manantang-Ku. Ana waugu sulal᷊ummu Wuke Susi uawoṛṛetta, ‘Ruata sarun mamate mallal᷊u'adde, wuṛṛu ammul᷊annu dombane sarun massal᷊iawukka.’

MARKUS 14:50

Anambo mallal᷊aṛṛenggen-Ne tinumal᷊angnga nanantangngu Mawu Yesus.

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

LUKAS 17:2

Mappianne amungkangngu pia watun gahilinganna ii'itta su ullekkane, see i tou iwontolla su tahal᷊oangnga wuassu i tou mapaarosan sangkatou su wallattu manga taumata maradio'a indi.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 10:30

I Ya'u wuṛṛu Iamangnga tumba'u sambau.”

YOHANES 10:38

Arawe ana waugu i Ya'u, tinumuṛṛutta manara udde, pangimante apa apan Ta'u ola'anna udde, salaiwe i yamiu maddiri mangngimanna si Ya'u. Ringannu aroddi yamiu maasingkatta wuṛṛu naasunna manungku Iamangnga sidutu su sambau ringang-Ku, wuṛṛu i Ya'u sidutu su sambau ringannu Iamangnga.”

YOHANES 14:1

“Arie naungngu suminggawangnga,” wisara Mawu Yesus si mangitou. “Pangimante Ruata, wuṛṛu pangimante si Ya'u lai.

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

YOHANES 16:15

Sarangkanambone apan tatahuanannu Iamangnga udde lai tatahuanang-Ku. Ana waugu udde i Ya'u mabbisara manungku apa apan niapaasingkattu Ghaṛṛaho si yamiu, nisengkamme wuassia-U.”

YOHANES 16:32

Paanaunge! Tempone sarun rumanta, ewe'e nia'omante, i yamiu sarun massal᷊iawukka. I yamiu sarun mapul᷊e su wal᷊en sangkatou-sangkatou wuṛṛu manantang-Ku sassane. Arawe i Ya'u tawe sassane ana waugu Iamangnga udde ringang-Ku.

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

YOHANES 8:58

Mawu Yesus sinumimbakka, “Atonna i Ya'u mabbisara si yamiu: Tantal᷊anna i Abraham taambe niasungkangnga, i Ya'u nariaddite.”

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

FILIPI 2:6

Su pinangiananne i Tou nassul᷊ungngu Ruata, arawe i Tou tawe mamendamma manungku olang-Nge ere Mawu udde ṛinone matatana'a aroddi si Tou.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.