ZAKARIA 13:2 - WUKE SUSI WATTI'U AL᷊AL᷊USASSA

² Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

ZAKARIA 13:2 Iomraidhean Croise

1 MARARATU 22:22

‘Ereapa olangnge?’ aiwal᷊on Mawu. Ghaṛṛaho udde sinumimbakka, ‘I ya'u sarun inai wuṛṛu ma'ola'a anambon nabin Ahab mamahia.’ Mawu nabbisara, ‘Aroddite, ola'e udde, i'o sarun maasal᷊o'i tou.’ ”

DARALO 16:4

Wala'ewe taumata apan massubba manga monganna aatambanna asasusane. I ya'u maddiri mangonggolu sasamba su manga monganna, ewe'e lai maddiri managon aranni mangitou.

SASABANGNGA 22:13

Amungkangngu winatangnga udde niaṛṛattu winatangnga mal᷊aṛṛaga, taumata apan uapadul᷊i ṛinone mamasilon manga lampen duṛṛine maola'a tatialane su tatahuanne, i tou salaiwe tate mamaekka arugianna su winatangnga udde.

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

YESAYA 2:18

Manga paal᷊uanna sarun mawul᷊i abbi-abbi.

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

YEHEZKIEL 12:24

Su Israel tate lai sondappa ara'e aellega palassu,

YEHEZKIEL 13:23

Orassa indi nuddusee manga sondappa awusu wuṛṛu manga pani'atta wawahianu. Ta'u iapasal᷊amatta uma-U wuassu wawonongu lal᷊eo. Ne i yamiu masingkatte manungku ete i Ya'u Mawu.”

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

YEHEZKIEL 30:13

Mawu Apan Atanggaṛṛanne nabbisara, “I Ya'u sarun makkimunsa'a manga paal᷊uanna wuṛṛu manga monganna su Memfis. Tate lai ratu su Mesir. Anambon tumanangne sarun Ta'u olaanna matta'utta.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

YEHEZKIEL 36:29

I yamiu sarun Ta'u iliu wuassu al᷊awo'u al᷊al᷊eonu. I Ya'u sarun mangonggollu parenta su gandumma tadea'u tumuwo ringannu masuwukka ma'oman sara i yamiu tate lai aṛṛiaannu ṛutumma.

YEHEZKIEL 37:23

I mangitou tate mandal᷊eo watanganni mangitou ringannu ma'ola'a rosa wuṛṛu massubba manga paal᷊uanna apan maarantinna. I Ya'u sarun mamallossi mangitou wuassu al᷊awo'u tal᷊engko apan naaola'a si mangitou nangal᷊uandaga si Ya'u. I Ya'u sarun mapaasusi mangitou; i mangitou sarun maola'a uma-U, wuṛṛu i Ya'u Ruatan mangitou.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

YEHEZKIEL 6:6

Anambon soa su Israel sarun ihohakka, al᷊awo'u mezbahne wuṛṛu paal᷊uanne ṛimunsaanna iapasal᷊iawukka, manga panambunannu amaniane pasi tal᷊eṛṛonga, wuṛṛu al᷊awo'a apan a'olaanni mangitou sarun mawul᷊i.

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

HOSEA 2:17

I Ya'u sarun tate mamalan tou managgon aranni Baal apia, ma'oman sara aranna udde sarun timbul᷊ianannu taumata.

HOSEA 2:19

Israel, i'o sarun Ta'u olaanna awing-Ku, awingnga apan ṛinone saran mal᷊annu-l᷊annu. I'o sarun Ta'u iaakkanna wuṛṛu arangnguanna sidutu; i Ya'u sarun ma'ola'a pallal᷊agu matul᷊idda wuṛṛu satia.

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

MATIUS 12:43

“Napawe ghaṛṛaho lal᷊eo nanantangken sangkatou, ghaṛṛaho udde namal᷊iwutte manga tampa apan mamara, madea'a tampa pangngillol᷊oanna arawe i tou tawe naasomba.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

LUKAS 11:20

Arawe i Ya'u mallimbuakka ghaṛṛaho lal᷊eo ringannu taṛṛinon Ruata, wuṛṛu udde atappasanne manungku Ruata mannattakke mammarenta su pattangnganni yamiu.

TAHIUL᷊E 12:3

Ṛaea'e manga mezbah mangitou wuṛṛu ṛimunsa'a manga diṛṛine watu apan a'antimanni mangitou pia taṛṛinone. Tambuna'a manga hambaranni Asyera, wuṛṛu ṛimunsa'a manga paal᷊uanna sassubbanni mangitou, na'oman sara manga monganna udde tate subbanna lai su tampa udde.

TAHIUL᷊E 18:20

Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

YOSUA 23:7

Ringannu aroddi yamiu tawe mallal᷊o'an manga walahanna apan ta'e uatana'a su sampunna ringanni yamiu. I yamiu tawe maasagon arannu manga monganni mangitou ara'e massalu sulal᷊ummu aranna udde. Wuṛṛu lai yamiu tawe mattaṛṛamawu ara'e massubba su manga monganna udde.

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.