ZAKARIA 12:6 - WUKE SUSI WATTI'U AL᷊AL᷊USASSA

⁶ Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

ZAKARIA 12:6 Iomraidhean Croise

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

YESAYA 9:20

Taumatan Manasye wuṛṛu taumatan Efraim uapapangalo, see na'aukka nilumawangnga Yehuda. Arawe Mawu ta'e massa'u wuṛṛu sidutu makkuumanna.

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

OBAJA 1:18

Uma-U Israel naal᷊ihidda putungnga apan nanoṛṛobba na'oman sara nasue papapulunni Esau, naal᷊ihidda putungnga nanoṛṛobba na'oman sara nasue laṛṛami su wawail᷊anna. Tawe saran sangkatou wuassu papapulunni Esau apan naatal᷊angnga. I Ya'u, Mawu buatte nabbisara!

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

ZAKARIA 11:1

Ei Libanon, wu'ate manga ngaranu, tadea'u putungnga manoṛṛobba manga alu arasi yamiu!

ZAKARIA 12:5

Wua'udde manga amonannu Yehuda sarun mabbisara sulal᷊ummu naungnga, “Ete Mawu Apan Lembontaṛṛino apan nangonggollu atatohassa su uman-Ne apan uatana'a su Yerusalem.”

ZAKARIA 2:12

Paassa lai Yehuda sarun maola'a pussa'a Mawu apan apianne su letang-Ne apan susi, wuṛṛu Yerusalem sarun maola'a soa apan lembon arangnguan-Ne.

ZAKARIA 2:4

Mala'ekatta paarorone nabbisara su mala'ekatta aruane, “Roote paal᷊ihakka ringannu umbasanna udde, wuṛṛu wal᷊oa'a si tou manungku Yerusalem sarun masaddattu taumata wuṛṛu winatangnga papadul᷊iananna na'oman sara tawe mariaddi olaanna darandungnga ipamaliwutta.

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

SONDAPPA 20:9

Ne i mangitou nassal᷊iawukke su ahewallu runia, see nattalliwunte atatana'annu al᷊aṛṛana'u Ruata wuṛṛu soa arangnguannu Ruata. Arawe putungnga nonto'a wuassu langitta wuṛṛu namate si mangitou.