ZAKARIA 12:4 - WUKE SUSI WATTI'U AL᷊AL᷊USASSA

⁴ Su allo udde anambon awal᷊o Ta'u olaanna nial᷊iwune wuṛṛu manga sumasa'ene Ta'u olaanna wewa, tumana'u Yehuda Ta'u lu'aranna, arawe anambon awal᷊on seenne Ta'u iapaawuta.

ZAKARIA 12:4 Iomraidhean Croise

1 MARARATU 8:29

Antimanna allo ṛabbi I'o ual᷊u'adda wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai uman-Nu napawe yami sumaruanna wal᷊en indi wuṛṛu umal᷊iomanna Si'o.

2 MARARATU 6:14

Ana see ratun Siria nandolokka inaiaroddi sambau ammul᷊annu tantara apan manambo ana see lai awal᷊o wuṛṛu keretan pangalo. I mangitou na'oma su soa udde sutempo ṛabbite ana see lapiddu namangalo.

2 MARARATU 6:18

Sutempo manga taumatan Siria udde namangalo, i Elisa inumal᷊iomanna, “Mawu, pawutaawe matan manga taumata indi!” Mawu naddaringikka aal᷊iomanni Elisa, wuṛṛu i mangitou sarangkanambone nawuta matane.

2 TAWARIKH 6:20

Antimanna allo ṛabbi I'o uasirungnga wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai ṛuangannu Israel al᷊aṛṛanang-Ngu udde, napawe yami sumaruanna wal᷊en indi wuṛṛu umal᷊iomanna Si'o.

2 TAWARIKH 6:40

Orassa indi, oh Mawu Ruata'u, intanoiwe yami wuṛṛu daringiṛewe manga aal᷊iomanna apan niapasingkatta Si'o wuassu tampa indi.

2 TAWARIKH 7:15

I Ya'u sidutu ual᷊u'adda Wal᷊e-U indi wuṛṛu uasaddia maddaringikka anambon aal᷊iomanna apan iradduitta wuassu tampa indi.

NEHEMIA 1:6

Pa'ellege si ya'u oh Mawu, wuṛṛu daringiṛṛewe aal᷊iomanna apan ta'u iruitta su saruan-Nu allo wuṛṛu ṛabbi hunan umattu Israel, manga allang-Ngu udde. I ya'u manga'u manungku i yami, umattu Israel, manga allang-Ngu udde. I ya'u manga'u manungku i yami, umattu Israel, buatte na'ola'a rosa; i ya'u wuṛṛu manga al᷊amona'u buatte na'ola'a rosa lai.

YESAYA 24:21

Sutempo udde Mawu sarun makkuumannu manga tembonannu winalanganna wuṛṛu manga ratu su runia.

YESAYA 37:17

Mawu, antimanna ellehewe apa apan nariaddi si yami. Daringiṛṛewe al᷊awo'u aal᷊uandagi Sanherib su saruan-Nu, Ruata apan biakka.

YEREMIA 24:6

I Ya'u sarun mallu'adda si mangitou wuṛṛu mangapiddi mangitou apia su wanua indi. I Ya'u sarun mapararisikka, tawe makka'an mangitou; i Ya'u sarun massuanna, wal᷊ine mangabbutta si mangitou.

YEHEZKIEL 38:4

I ya'u sarun mamal᷊elongi tou, mangaittu pe'anna su ol᷊ane, wuṛṛu mamangkassa si tou sumabbangnga suadio'a ringannu tantarane. Manambo atonna tantarane uasa'e awal᷊o apan ual᷊uṛṛen laubba seragamma udde. Suapan tantara uaapiddu allungnga wuṛṛu hal᷊ele.

YEHEZKIEL 39:20

Su medda-U i mangitou wotongnge mallaidda tianna ringannu anambon awal᷊o wuṛṛu sumasa'ene wuṛṛu ringannu manga pejuanga. I Ya'u, Mawu Apan Atanggaṛṛanne buatte nabbisara.”

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.

ZAKARIA 10:5

Tumana'u Yehuda sarun maauntungnga ere manga atumannaṛṛane apan maṛṛinda seetta ere labbo su lal᷊anna. I mangitou mattinsahadda ana waugu i Ya'u, Mawu massumbala si mangitou, wuṛṛu tantaran seetta apan uasa'e awal᷊o sarangkanambone sarun iawaddon mangitou.

ZAKARIA 12:11

Su allo udde sarun pia lal᷊uai apan wahewallu su Yerusalem, naal᷊ihidda nilumuain Hadad-Rimon su Walahannu Megido.

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.

ZAKARIA 12:5

Wua'udde manga amonannu Yehuda sarun mabbisara sulal᷊ummu naungnga, “Ete Mawu Apan Lembontaṛṛino apan nangonggollu atatohassa su uman-Ne apan uatana'a su Yerusalem.”

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

ZAKARIA 14:15

Sambau radda'a apan wahewalla udde lai sarun maṛṛia'a su awal᷊o, bagal, unta wuṛṛu keledai, see anambon binatangnga su paddasanannu seetta.

ZAKARIA 9:8

I Ya'u sarun mandiaga leta-U wuṛṛu mannal᷊are ammul᷊annu tantara raho apan sumabbi umamatta isudde. I Ya'u tate lai mamala mangangallangnga mandal᷊eo uma-U. Ana waugu asasusan mangitou buatte Ta'u niasiloanna.”

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

TAHIUL᷊E 28:28

Mawu sarun ma'ola'a si yamiu mabbewa, wuta wuṛṛu umal᷊iwu.