ZAKARIA 12:10 - WUKE SUSI WATTI'U AL᷊AL᷊USASSA

¹⁰ Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

ZAKARIA 12:10 Iomraidhean Croise

PANDARIADDI 45:1

I Yusuf tate maataṛṛangnga apendamme su saruannu manga mamanarane. Ana waugu udde i tou nandolokki mangitou nanantangngu tampa udde tadea'u i tou wotongnge mamasingkatta su manga tuṛṛangnge isai i tou ṛinone.

PANDARIADDI 45:2

Napawe manga mamanarane nanantangken tampa udde, i Yusuf nilumuaite ma'ikka-ikkata, na'oman sara manga taumatan Mesir su luddu tampa udde naaringikka, wuṛṛu watti'a udde na'omate su wal᷊en araratuanna.

DARALO 51:12

Olaawe naungku apan tutune, oh Ruata, limbakuewe naungku ringannu atatohassa apan masabbare.

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

AMSAL 4:3

Sutempo i ya'u ta'e al᷊aṛṛana'a, ana'a tinggassan hagurangku,

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YEREMIA 31:19

I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YEREMIA 50:4

Mawu nabbisara, “Sutempo udde taumatan Israel sarun dumanta suadio'a ringannu lulluai, maddea'a si Ya'u, Ruata mangitou.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YEHEZKIEL 20:43

Poiaroddi i yamiu sarun maanaungnga anambon inolaanna apan maarantinna apan buatte naarosa watangannu. Ne i yamiu sarun maddantinna maanaungnga anambon arariadianna udde.

YEHEZKIEL 37:14

I Ya'u sarun maniuppu sasangngo sulal᷊ummu waddangngi mangitou tadea'u ipamiakka si mangitou, ana see i mangitou Ta'u iwala matanata'a su wanuane sassane. Ne i mangitou masingkatte manungku ete i Ya'u Mawu. I Ya'u Mawu buatte nabbisara wuṛṛu atonna sarun ma'ola'a.”

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

REENGANNA 21:9

Ne i Musa na'ola'a atoanna wuassu atta'a wuṛṛu niaddo su sambua pati'anna. Suapan taumata apan nipul᷊issu atoanna, wotongnge mapia amungkangngu ma'ellega atoanna witu'a udde.

MATIUS 24:30

Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

MATIUS 26:75

Wuṛṛu i Petrus naanaungke manungku Mawu Yesus suete nabbisara si tou, “Tantal᷊anna manu'a taambe niumu'u, i'o paatallute massinaa-U.” See i Petrus sinumabangnga, wuṛṛu nilumuaite ringannu massusa.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

WATTI'U MANGA RASUL 10:45

Manga taumatan Yahudi apan mangngimanna Mawu Yesus wuṛṛu taumata uatantalongnga si Petrus wuassu Yope, sarangkanambone naherangnga naasilo Ruata nangonggolu Ghaṛṛaho-Ne su manga taumata walahanna waine apan wal᷊ine Yahudi.

WATTI'U MANGA RASUL 11:15

Wuṛṛu su tempo i ya'u mannatakke mabbisara aroddi,” aroddi i Petrus nanassukku wattingnge, “Ghaṛṛaho Ruata nonto'a si mangitou, ere lai nariaddi si ite rorone su panattaṛṛanne.

WATTI'U MANGA RASUL 2:17

Ruata nabbisara, ‘Su panginsueannu runia I Ya'u sarun mangonggolu Ghaṛṛaho-U su anambon taumata. Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou. Manga dario'a sarun maasilo inolaanna apan Ta'u iapasilo si mangitou. Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

WATTI'U MANGA RASUL 2:37

Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

ROMA 8:26

Aroddi lai Ghaṛṛahon Duata nirumanta mantul᷊ungngi ite amungkangngu i ite lome. Ana waugu i ite wagga ereapa ṛinone i ite umal᷊iomanna; Ghaṛṛaho udde sassane sumaruanna Ruata sumal᷊ande hunan kite ringannu ahewallu ṛintulu, na'oman sara tawe iawisara.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

YUDAS 1:20

Arawe i yamiu manga tuṛṛangku, paddul᷊ianete siddutu wiakku sulal᷊ummu pangangimannu si Yesus Kristus. Pangangimannu udde lembon susi. Tantal᷊anna udde aal᷊iomante ringannu Taṛṛinon Ghaṛṛahon Duata,

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

1 SAMUEL 7:2

Mal᷊annu lai Wantallu Pa'airen Mawu udde sasahipunanna su Kiryat-Yearim, iraṛṛangngo ruan pul᷊o su tonnane. Su al᷊annune udde anambon walahannu Israel sussal᷊ande ma'iontolla su Mawu.