ZAKARIA 11:6 - WUKE SUSI WATTI'U AL᷊AL᷊USASSA

⁶ I Ya'u maddirite lai umakkanni sai-sai su wanua indi. I Ya'u sassane sarun manantillu anambon tumanangnge su manga tembonanne. I mangitou sarun makkimunsa'a wanua indi, wuṛṛu i Ya'u tate manganu apia wuassu lima mangitou.”

ZAKARIA 11:6 Iomraidhean Croise

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 3:5

Manga taumata sarun mapapangallangnga. Dario'a tate maddaringikka timmadde wuṛṛu taumata wiasa tate mandeengngu taumata pia pangkanne.

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

LAL᷊ALLU 2:21

Timmadde dario'a nate uatal᷊allada su lal᷊anna, manga saṛṛen tumuwo naten hal᷊ele. Su allo I'o masa'u, I'o naṛṛata si mangitou ringannu tawe apendamma umakkanna.

LAL᷊ALLU 5:8

I yami paparentannu manga taumata apan tawe nilumebbe wuassu allangnga; taweddu mataṛṛino mamallossi yami wuassi mangitou.

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

HOSEA 1:6

Wua'udde awingku nanungkangken ana'i yami aruanne, sangkatou ana'a wawine. Mawu nabbisara si ya'u, “Hosea, anangngu udde aranne saggoa'e ‘Apan Tawe Nirangnguanna’, ana waugu i Ya'u tate lai mandangngu walahannu Israel, wuṛṛu mangke tate mangampungnga si mangitou.

HOSEA 2:10

Sarun Ta'u tantol᷊eanna i tou su saruannu anambon apulune. Tawe saran sangkatou wuassi mangitou wotongnge maapallossi tou wuassu taṛṛino-U.

MIKHA 5:8

Israel sarun mamaddon manga seenne see makkimunsa'a si mangitou sarangkanambone.

MIKHA 6:14

I yamiu sarun umanna, arawe tawe mabbal᷊i mal᷊aidda – ewe'e sidutu mal᷊unussa. I yamiu sarun maṛṛuwo manga saranapa, arawe tawe maariaga. Al᷊awo'u apa apan rariaganni amia sarun Ta'u ṛimunsaanna sulal᷊ummu pangalo.

HAGAI 2:22

manga araratuanna Ta'u iapaṛṛa'a wuṛṛu taṛṛinon mangitou Ta'u ṛinumsaanna. Manga karetan pangalo ringannu mangangapidde sarun Ta'u iwal᷊insuangnga; anambon awal᷊o sarun nate wuṛṛu manga sumasa'ene sarun mapapate.

ZAKARIA 11:14

Wua ude ta'u nipaddi ta'ingku aruane, eteudde apan ta'u nisaggo “Nii'itta”, ne napesangke paa'aukku Yehuda wuassu Israel.

ZAKARIA 11:5

Manga mamamalline mammate manga domba udde ringannu tawe naasomba ṛuumanna. I mangitou apan mabbalu'u ṛemessu manga domba udde mabbisara, ‘Dalo su Mawu! Orassa indi niatambante paa'alan kite!’ Manga mallal᷊u'udda udde tawe maapendamma umakkanna su manga domba papadul᷊iananni mangitou.

ZAKARIA 11:9

Wua'udde i ya'u nabbisara su ammul᷊annu domba udde, “I ya'u maddirite mallu'adda si yamiu apia. Iapa matete wal᷊a'e i tou nate, wuṛṛu iapa masilaka, wala'e i tou masilaka. Ana see lambene walate i mangitou mapapate.”

ZAKARIA 14:13

Su allo udde Mawu sarun ma'ola'a manga walahanna udde ial᷊iwune wuṛṛu matta'utta ma'oman sara suapan taumata sarun manametta ringanne apan su sandiṛṛanne wuṛṛu mango'a si tou.

ZAKARIA 8:10

Tantal᷊anna taambe tempo udde taweddu wotongnge maasewa ikkattu taumata ara'e winatangnga, wuṛṛu taweddu apan maapendamma matammudda wuassu seetta. I ya'u buatte napawawul᷊on sangkatou ringannu waine.

MALEAKHI 4:6

I tou sarun ma'ola'a manga iamangnga wuṛṛu manga al᷊aṛṛana'a naungnga sambua, tadea'u i Ya'u tate rumanta mamate wanuanu.”

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.

MATIUS 22:7

Su tempo ratu udde naaringikka olangnge udde, i tou nasa'u atonna. I tou nandolokku tantarane iapapate manga taṛṛa pate udde, wuṛṛu iapatutungnga soa mangitou.

MATIUS 24:10

Su tempo udde manambo taumata sarun massinaadu Mawu, wuṛṛu mandal᷊eo see masaseetta sangkatou ringannu sangkatou.

YOHANES 19:15

I mangitou mangke pasi ui, “Patete i Tou; Patete i Tou! Arussa'a i Tou!” I Pilatus naiwal᷊o, “Apa ṛinone i ya'u mangarussan ratunu?” Manga imam tembonanne sinumimbakka, “Tumba'u i Kaisar sassane ratung kami!”

1 TESALONIKA 2:16

Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!