ZAKARIA 11:5 - WUKE SUSI WATTI'U AL᷊AL᷊USASSA

⁵ Manga mamamalline mammate manga domba udde ringannu tawe naasomba ṛuumanna. I mangitou apan mabbalu'u ṛemessu manga domba udde mabbisara, ‘Dalo su Mawu! Orassa indi niatambante paa'alan kite!’ Manga mallal᷊u'udda udde tawe maapendamma umakkanna su manga domba papadul᷊iananni mangitou.

ZAKARIA 11:5 Iomraidhean Croise

2 MARARATU 4:1

Su allo sambau wawine inawal᷊uannu sangkatou nabi inaite ringanni Elisa wuṛṛu naiwal᷊o, “Papa, awingku natete! Wuṛṛu i Papa masingkatta manungku i tou lai taumata apan matuṛutta Ruata, arawe i tou pia awallassa su sangkatou taumata. Orassa indi taumata udde nirumanta manganu ana'u darua, wuṛṛu itarua olaanna allanga, maola'a wawaekku awallassu awingku apan natete udde.”

NEHEMIA 5:8

wuṛṛu nabbisara, “Ringannu ahewallu ikkatta i ite buatte namaekka manga tuṛṛangngi ite taumatan Yahudi apan nal᷊are nabbalu'u watanganne maola'a allangngu taumata raho. Arawe orassa indi i yamiu ewe'e lai mammata'i mangitou mabbal᷊u'u watanganne si yamiu, sumbal᷊i i yamiu lai taumatan Yahudi!” Manga piaṛṛa'u udde tawe naasimbakka saran sampaddi wisara.

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

YEHEZKIEL 34:10

I Ya'u, Mawu Apan Atanggaṛṛanne mabbisara si yamiu, manungku i Ya'u indi seennu. Manga domba-U udde sarun Ta'u anuanna apia wuassi yamiu wuṛṛu tate lai Ta'u iapariaga si yamiu; i yamiu tate lai Ta'u iwala maṛṛingiddu hausannu sassane. Manga domba-U sarun Ta'u iapaasal᷊amatta wuassi'o ma'oman sara i mangitou tate lai mabbal᷊i a'inasannu.’ ”

YEHEZKIEL 34:21

I yamiu mangke mannenggeka see mannandu'a domba apan marada'a na'oman sara i mangitou naṛṛa'e wuassu ammul᷊annu domba.

YEHEZKIEL 34:6

Ne manga domba-U nabbal᷊i lullallele su manga wuidda apan matanggakka wuṛṛu su manga wowone. I mangitou nassal᷊iawukka su ahewallu runia, tawe saran sangkatou apan ma'ellega si mangitou ara'e maddea'a si mangitou.

HOSEA 12:8

Mawu nabbisara su walahannu Israel, “I yamiu mallinga ere taumatan Kanaan; manga maddaragangnga apulune mammahia mamamalline ringannu timbanganna apan tawe su ṛinone.

HOSEA 12:9

‘I ite orassa indi ala,’ unni mangitou. ‘I ite naantungnga! Tawe saran sangkatou apan wotongnge mangansilla manungku i ite naasomba paa'ala udde ringannu olangnge mallinga.’

AMOS 2:6

Mawu nabbisara, “Taumatan Israel masokkate ma'ola'a rosa, ana waugu udde i Ya'u sarun makkuumanni mangitou. Taumata matulidda apan tawe maawelengngu awallanne, buatte niwal᷊u'i mangitou maola'a allangnga Arodi lai inolaanni mangitou su taumata asiangnga apan tawe maawaekka awallanne, salaiwe awallassa udde tumba'u ere areggan sampare silope.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

YOHANES 10:1

“Mangke atonna wisara-U indi: Taumata apan sumutta sulal᷊ummu tanda'u domba lumiu pagalla, wuṛṛu tawe sumutta su ngara, arawe umawitta sumabbi lal᷊anna waine, taumata udde taṛṛa ta'o wuṛṛu taṛṛa rampassa.

YOHANES 16:2

I yamiu sarun iapaasabangnga wuassu manga wal᷊em pattataṛṛamawuanna. Wuṛṛu sarun a'omanna tempone manungku taumata apan mamate si yamiu massunna i tou massubba Ruata.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

SONDAPPA 18:13

pising kalu matemangnga, manga rampa, setanggi, mur, wuṛṛu amania; anggore wuṛṛu lana, taponna wuṛṛu gandumma; sapi wuṛṛu domba, awal᷊o wuṛṛu kereta, manga allangnga, see lai niawan taumata.

SONDAPPA 3:17

I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.