ZAKARIA 11:4 - WUKE SUSI WATTI'U AL᷊AL᷊USASSA

⁴ Mawu Ruata nabbiara si ya'u, “I'o pattingkaola'e ere mallal᷊u'adda apan uataṛṛapa domba apan sarun ṛatanna.

ZAKARIA 11:4 Iomraidhean Croise

DARALO 44:22

Ruata sarun maasingkata, ana waugu i Tou maatutukka addapingu naungngi yami.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

ZAKARIA 11:7

I ya'u, Zakaria, ana see nisewannu manga mabbawal᷊u'u domba tadea'u mallu'adda manga domba apan sarun ratanna. I ya'u pia darua ta'inna; iapa sambua ta'u nisaggo “Aakkanna” wuṛṛu iapa sambau lai “Nii'itta”. Wua'udde i ya'u mannattakke mandiaga wuṛṛu mammadul᷊i manga domba udde.

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

MATIUS 15:24

Mawu Yesus sinumimbakka, “I Ya'u nirolokka tumba'u su walahannu Israel, nangillembo si mangitou apan nial᷊iwune.”

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

ROMA 15:8

Ana waugu, paanaunge, manungku Kristus suete nangimbe taumatan Yahudi tadea'u mapaal᷊iatta'a manungku Ruata atonna mannuungngu paaire-Ne su iupungngu al᷊amonan kite.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.