ZAKARIA 11:16 - WUKE SUSI WATTI'U AL᷊AL᷊USASSA

¹⁶ Ana waugu i Ya'u sarun mapamanaran sangkatou mallal᷊u'adda iapariaga ammul᷊annu domba-U, arawe i tou tawe maddea'a domba nawul᷊i; i tou tawe maddea'a domba apan nilamammiṛṛane, tawe lai mangundamma domba apan nal᷊essa, wuṛṛu tawe mapa'annu domba apan ta'e wiakka. Ewe'e i tou lai sassane u'inassa ṛemessu domba apan atawanne wuṛṛu nanawutta manga anu'un binatangnga udde.

ZAKARIA 11:16 Iomraidhean Croise

PANDARIADDI 31:38

Ruan pul᷊o su tonnane i ya'u uatana'a ringanni Papa. Ammul᷊annu domba wuṛṛu ambingngi Papa nabbalage manambo, wuṛṛu taambe saran paassa i ya'u niuminassa sambau ambinga esakka wuassu winatangngi Papa.

PANDARIADDI 33:13

I Yakub sinumimbakka, “Iaangnga masingkatta manungku manga ana'u indi ta'e lome, wuṛṛu i ya'u ṛinone maadunna ringannu anambon binatangnga apan tantal᷊anna ta'e mappasusu. Amungkangngu ul᷊uhanna mal᷊iha-l᷊ihakka, salaiwe tumba'u allo massallo, ne anambon ammul᷊annu winatangnga udde sarun mate.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YEREMIA 23:22

Unnuwisara i mangitou masingkattu apa apan sulal᷊ummu ṛingirang-Ku, natantunna i mangitou buatte nabbatti'a su uma-U sarangkanambone apan buatte Ta'u niwisara. Ne uma-U sarun mawal᷊u wuassu manga rosa wuṛṛu pallal᷊agune apan dal᷊eo.

YEHEZKIEL 34:10

I Ya'u, Mawu Apan Atanggaṛṛanne mabbisara si yamiu, manungku i Ya'u indi seennu. Manga domba-U udde sarun Ta'u anuanna apia wuassi yamiu wuṛṛu tate lai Ta'u iapariaga si yamiu; i yamiu tate lai Ta'u iwala maṛṛingiddu hausannu sassane. Manga domba-U sarun Ta'u iapaasal᷊amatta wuassi'o ma'oman sara i mangitou tate lai mabbal᷊i a'inasannu.’ ”

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YEHEZKIEL 34:21

I yamiu mangke mannenggeka see mannandu'a domba apan marada'a na'oman sara i mangitou naṛṛa'e wuassu ammul᷊annu domba.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

YOHANES 10:1

“Mangke atonna wisara-U indi: Taumata apan sumutta sulal᷊ummu tanda'u domba lumiu pagalla, wuṛṛu tawe sumutta su ngara, arawe umawitta sumabbi lal᷊anna waine, taumata udde taṛṛa ta'o wuṛṛu taṛṛa rampassa.