ZAKARIA 11:1 - WUKE SUSI WATTI'U AL᷊AL᷊USASSA

¹ Ei Libanon, wu'ate manga ngaranu, tadea'u putungnga manoṛṛobba manga alu arasi yamiu!

ZAKARIA 11:1 Iomraidhean Croise

YEREMIA 22:23

I yamiu matana'a ringannu mal᷊angnganna papal᷊iwutannu manga diṛṛi cemaran Libanon, arawe sal᷊immurine napawe i yamiu aṛṛiaannu atataddu'a, i yamiu sarun matataṛṛangnga ere wawine apan tantal᷊anna mangngunsiwe.”

YEHEZKIEL 31:3

I'o naal᷊ihidda cemaran Libanon apan maṛṛansangnga napenen rannane apan uasaṛṛihalo maṛṛamaga. Alune matul᷊idda wuṛṛu matolengnga otongnge naddatingngu winabbawa.

HABAKUK 2:17

I'o mannuwangnga manga aaluanna su mahurangngu Libanon, wuṛṛu orassa indi i'o sassane apan sarun tuwanganna. I'o mammate manga winatangnge, wuṛṛu orassa indi manga winatangnga mamma'utta si'o. Sarangkanambone udde mariaddi ana waugu pamamate wuṛṛu araṛṛagissa apan buatte niolangngu su saruannu manga wanua, manga soa wuṛṛu manga tumanangnge.

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

HAGAI 1:8

Orassa indi, saate watukku manga wuidda pangal᷊appa alu, wua'udde ola'e Wal᷊e-U; ne i Ya'u sarun maapendamma al᷊al᷊uassa wuṛṛu i Ya'u sarun subbanna apia ringannu olangnge apan suṛṛinone. Annama'e, panutukka olangngu!

ZAKARIA 10:10

Wuassu Mesir wuṛṛu Asyur, i mangitou sarun Ta'u iapaapul᷊e. Su wanuane sassane i mangitou sarun Ta'u iapaatana'a. Ta'u niapidda i mangitou watukku Gilead wuṛṛu lai Libanon, Ma'oman sara ahewallu wanua mapenen mangitou.

ZAKARIA 11:2

Ei punnu daru, lalluaite, ana waugu naṛṛaate manga punnu alu cemara, manga aaluanna apan matohassa nawansalle. Ei manga aaluanna masallakka su Basan, lalluaite. Ana waugu manga mahurangnge mal᷊alangnga buatte niwabbassa mal᷊aukka.

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.