ZAKARIA 10:8 - WUKE SUSI WATTI'U AL᷊AL᷊USASSA

⁸ Uma-U sarun Ta'u waggoanna wuṛṛu iammulla mabbal᷊i sambau. I mangitou Ta'u ipallossa wuṛṛu anambon Ta'u olaanna dorone.

ZAKARIA 10:8 Iomraidhean Croise

1 MARARATU 4:20

Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

SASABANGNGA 1:7

Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YESAYA 5:26

Mawu sarun mamaggo walahanna apan marau wuṛṛu i mangitou sarun dumanta ringannu mal᷊ihakka!

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YESAYA 7:18

Sutempo udde Mawu sarun mamaggo taumatan Mesir wuṛṛu taumatan Asyur, ana see walahanna darua udde rumanta naal᷊ihidda ammul᷊annu lango wuṛṛu attimpua apan uaṛṛimpulunna manga rampissa wuṛṛu loṛṛangngu watu. I mangitou sarun manaappa suapan ahuranganna ṛoaanna wuṛṛu manga tampa nannal᷊one.

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

MIKHA 2:12

Mawu nabbisara apia, “Ei umattu Israel apan ta'e nallambe! I yamiu sarun Ta'u iammulla wuṛṛu Ta'u iaukka ere domba apan nabbelangnga su tandangnge. Naal᷊ihidda wadda'u nannal᷊o apan napenen domba, aroddi lai wanuanu sarun mapene apia ringannu taumata marasai.

ZAKARIA 9:11

Mawu nabbisara su uman-Ne, “Ringannu paaire apan Ta'u niola'a si yamiu, paaire apan nitialanu daṛṛan sasamba, sarun Ta'u ipallossa tumanangngu apan uatataṛṛangnga sulal᷊ummu pamamuanganna naal᷊ihidda taumata apan uataṛṛo sulal᷊ummu paṛṛihi mamara.

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.