ZAKARIA 10:7 - WUKE SUSI WATTI'U AL᷊AL᷊USASSA

⁷ Umattu Israel naal᷊ihidda atumannaṛṛane apan matohassa, naal᷊ihidda taumata apan na'inumma anggore, i mangitou lulluassa. Papapulunni mangitou wuassu tempo maddatingngu tempo sarun tawe maabul᷊in auntunganna indi apan Ta'u nionggolla. I mangitou sarun lumala'a ana waugu inolaang-Ku si mangitou.

ZAKARIA 10:7 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

PANDARIADDI 43:34

I mangitou nionggol᷊annu anna wuassu meddan i Yusuf, wuṛṛu i Benyamin niiembeanna paal᷊ima anambone wuassu manga iaangnge. Ana see i mangitou niumante su sambau ringanni Yusuf na'oman sara nal᷊aidda.

DARALO 102:28

Arawe I'o sidutu uasul᷊unga, I'o wiakka tawe pangudusanne.

DARALO 104:15

wuṛṛu napasabbangu ua'e anggore apan maal᷊uassa. See lai lanan zaitun apan maatilangnga hatine, wuṛṛu anna apan mangngonggolu atatohassa si tou.

DARALO 13:5

Arie pabbala'a see'u mabbisara manungku i mangitou buatte namaddo'u. Arie pabbala'a i mangitou manappissi'a si ya'u.

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

DARALO 33:21

I ite lulluassa ana waugu i Tou wuṛṛu mangngimanna aran-Ne apan susi.

DARALO 90:16

Pal᷊iatta'e manara-Nu si yami manga allang-Ngu, wuṛṛu taṛṛino-Nu apan maṛṛamaga su papapulunni yami.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

YESAYA 38:19

Tumba'u taumata wiakka apan maddalo Si'o, ere apan ta'u niola'a allo indi. Hagurangnge mabbatti'a anangnge aroddi apiane Mawu, oh Mawu.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YESAYA 66:14

Naasilo udde, i yamiu sarun lumuassa, wuṛṛu mabbal᷊i matohassa wuṛṛu sehatta ere nannal᷊o wakku. Ne manga allang-Ku sarun ma'apendamma taṛṛino-U wuṛṛu manga see-U sarun ma'apendamma asasa'u-U.”

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

HABAKUK 3:18

i ya'u sidutu lulluassa, ana waugu I'o Mawu Ruata mananal᷊ama'u.

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

LUKAS 1:47

wuṛṛu ṛimuu'u lullala'a ana waugu Ruata Mananal᷊ama'u.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

WATTI'U MANGA RASUL 13:33

udde suete nimanaran Tou si ite ringannu napaawiakku Mawu Yesus apia wuassu papate. Ana waugu sulal᷊ummu Mazmur aruane uawoṛṛetta, ‘Ete I'o Ana-U su allo indi I Ya'u naola'e Iamang-Ngu.’

WATTI'U MANGA RASUL 2:26

Ana waugu udde naungku mangke lulluassa, moṛṛongku mangke maddalo: wuṛṛu wadangku indi sarun mallaṛṛado ringannu matammuda sulal᷊ummu lal᷊abinganna.

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

1 SAMUEL 2:1

Wua'udde i Hana niumal᷊iomanna, wisarane, “Mawu nalluassa naungku; inolaan-Ne ma'al᷊uassa ṛimuu'u. Ringannu apendamma lullala'a ya'u nangeetta see'u, ana waugu atonna-tonna Ruata buatte nantul᷊ungku.