ZAKARIA 10:3 - WUKE SUSI WATTI'U AL᷊AL᷊USASSA

³ Mawu nabbisara, “I Ya'u nasa'u atonna su tembonanne uaparenta uma-U, wuṛṛu i mangitou Ta'u iṛṛuumanna. Arawe tumana'u Yehuda uddewe pussa'a-U, wuṛṛu i Ya'u, Mawu Apan Lembontaṛṛio sarun mamadul᷊i si mangitou. I mangitou sarun Ta'u olaanna awal᷊on pangalo apan matohassa si Ya'u.

ZAKARIA 10:3 Iomraidhean Croise

AYUB 39:25

I tou mammassingnga suapan trompetta iapatuntingikka wuassu marau i tou maasimbuate hal᷊urun pangalo. I tou naaringikka aintul᷊in manga tembonannu tantara sutempo i mangitou nangonggollu darolokka.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

AMSAL 21:31

Salaiwe pangalo riahiannu ringannu awal᷊on pangalo, apan manantunnu auntunganna tumba'u Mawu.

ANTARI MAWANTUGA 1:9

Arangnguangku, i'o naal᷊ihidda awal᷊o wawine apan mabbol᷊engnga kereta ratun Mesir.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 24:21

Sutempo udde Mawu sarun makkuumannu manga tembonannu winalanganna wuṛṛu manga ratu su runia.

YEREMIA 10:21

I ya'u sinumimbakka, “Woddo manga piaṛṛa'i ite udde. I mangitou tawe maddorongnga tatantiro wuassu Mawu, ana waugu udde i mangitou naauntungnga wuṛṛu i ite nassal᷊iawu su anambon tampa.

YEREMIA 11:22

Ana waugu udde, Mawu Apan Lembontaṛṛino nabbisara, “I Ya'u sarun makkuumanni mangitou! Manga taumata dario'i mangitou sarun nate sulal᷊ummu pangalo, wuṛṛu al᷊aṛṛana'i mangitou sarun nate amal᷊unusanna.

YEREMIA 25:12

Wua'udde i Ya'u sarun makkuumannu walahannu Babel wuṛṛu ratune ana waugu rosa mangitou. Wanuan Babel sarun Ta'u iṛṛa'a wuṛṛu Ta'u iwala naṛṛimunsa'a saran mal᷊annu-l᷊annu.

YEREMIA 25:34

Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

YEHEZKIEL 34:11

Mawu Apan Atanggaṛṛanne nabbisara, “I Ya'u sassane sarun maddea'a manga domba-U wuṛṛu mappadul᷊i si mangitou,

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

YEHEZKIEL 34:2

“Ei taumata apan mattate, tagguete manga ratun Israel, wuṛṛu wal᷊oa'e apa apan i Ya'u, Mawu Apan Atanggaṛṛanne mabbisara si mangitou, ‘Nasilakate i yamiu, ei manga mallal᷊u'addu Israel. I yamiu tumba'u maṛṛingiddu hausannu watangannu sassane, wal᷊ine hausannu manga dombanu.

DANIEL 11:32

Ne ringannu aallu ratu udde sarun massal᷊o'u manga taumata apan buatte nanantangngu agaman mangitou tadea'u mappulu massumbala si tou. Arawe manga taumata apan matuṛṛutta Ruata sarun waṛṛani lumawangnga si tou.

ZEFANYA 1:8

“Su allon pamamate udde,” wisaran Mawu, “I Ya'u sarun makkuumannu manga tembonanne, manga umbasanna ana'u ratu, wuṛṛu anambon taumata apan mappaamattu lal᷊aghun taumata raho.

ZEFANYA 2:7

Tumana'u Yehuda tawe maal᷊assangnga, sarun mamanua su wageangngu letangngu udde. I mangitou sarun mamadul᷊i winatangnga su leta'a udde, wuṛṛu napane ṛabbite i mangitou sarun matiilla su manga wal᷊en taumatan Askelon. Ana waugu Mawu, Ruatan mangitou sarun mandiaga si mangitou apia wuṛṛu ma'ola'a si mangitou sulal᷊umanna'a apia.

ZAKARIA 11:17

Niawontohante mallal᷊u'adda apan tawe gunane udde! It ou buatte nanantangngu ammul᷊annu dombane. Ta'iakke sarun mabbal᷊i lome wuṛṛu mata aikkatanne mabbal᷊i wuta.”

LUKAS 1:68

“Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

RUT 1:6

Manga pira tempo wua'udde i Naomi naaringikka manungku Mawu buatte nangal᷊amatta walahannu Israel ringannu hessin pangangitingnga apan mapia. Ana waugu udde i Naomi ringannu ruan katou mananambone nasasadiate manantangngu Moab.