ZAKARIA 10:2 - WUKE SUSI WATTI'U AL᷊AL᷊USASSA

² Manga taumata apan maddorongnga tantatiro su manga paal᷊uanna wuṛṛu manga manani'atta, arawe manga sasimbakka apan niasombanganni mangitou uddewe awusu wuṛṛu mangke tawe loṛṛone. Piaddu mannal᷊a'an bal᷊iawa,arawe tatal᷊a'an mangitou tumba'u mangal᷊iwun kamiu, wuṛṛu lal᷊uassa apan nionggolle tawe pangaratianne. Ana waugu udde tumanangnge nassal᷊iawukka ere domba. I mangitou massusa ana waugu tawe piaṛṛangnge.

ZAKARIA 10:2 Iomraidhean Croise

PANDARIADDI 31:19

Tempo udde i Laban su wadda'a tantal᷊anna mammol᷊o wambul᷊un manga dombane, wuṛṛu ete su tempo udde i Rahel nanna'o paal᷊uanna mallal᷊u'adda amonanna darotongngu iamangnge.

1 MARARATU 22:17

I Mikha nabbal᷊issa, “I ya'u naasilo tantaran Israel nassal᷊iawukka su manga wowone. I mangitou naal᷊ihidda domba tawe mallal᷊u'adde, wuṛṛu Mawu nabbisara su ola'i mangitou, ‘Manga taumata indi tawe piaṛṛangnge. Wala'e i mangitou mapul᷊e ringannu sal᷊amatta.’ ”

AYUB 13:4

Ana waugu i yamiu mammunin awawoddon kamiu ringannu wawahia, tawe paṛṛalane ere manga tonaassa mammahia.

AYUB 21:34

Nariaddi, lal᷊imbannu udde tawe loṛṛone wuṛṛu anambon sasimbakku udde awusu!”

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

YESAYA 44:9

Manga taumata apan nallanginnu paal᷊uanna sassubbanna udde tawe gunane, wuṛṛu manga monganna apan raddaloanni mangitou tawe mangal᷊ene. Manga taumata apan massubba paal᷊uanna udde wuta wuṛṛu waggan napa, ana waugu udde i mangitou sarun masili.

YESAYA 46:5

Ringanni sai i yamiu mappulu manumanding-Ku? Apa piaddu wotongnge isul᷊ungnga si Ya'u?

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

YEREMIA 14:13

Ana see i ya'u nabbisara, “Oh Mawu Apan Atanggaṛṛanne, I'o masingkatta manga nabi buatte nabbisara su tumanangnge manungku tate pangalo ara'e al᷊aṛṛutumma, ana waugu I'o buatte naddiandi manungku wanua indi sidutu sulal᷊ummu paddarame.”

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 23:17

Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

YEREMIA 27:10

I mangitou namahia si yamiu na'oman sara i yamiu niapidda wuassu wanuanu. I ya'u sarun mallimbuakka si yamiu wuassu wanuanu wuṛṛu i yamiu nate.

YEREMIA 27:14

Ariete paddaringikka manga nabi apan manningaddi Tuangnga massuṛṛubbawa su ratun Babel, ana waugu i mangitou mammahia si Tuangnga.

YEREMIA 27:9

Imbaṛṛangnga maddaringikka manga nabi ara'e isai-isai lai apan maningaddi yamiu massuṛṛubbawa su ratu Babel, salaiwe i mangitou manga'u buatte nanarimmattu tatantiro wuassu wal᷊iawa, manga ghaṛṛaho al᷊ussa, ara'e ringannu mappaattu wal᷊i'in mata.

YEREMIA 28:15

Sarangkanambone udde ta'u niapasingkatta si Hananya, ana see i ya'u nabbisara apia, “Paddaringikka, ei Hananya! I'o tawe nirolokku Mawu; i'o buatte na'ola'a manga walahanna indi mangngimanna wisara awusu.

YEREMIA 29:8

I Ya'u Mawu, Apan Lembontaṛṛino, Ruatan Israel, mapanaungnga si yamiu tadea'u arie mamala batangannu awusuannu manga nabi apan uatana'a su pattangnganni yamiu ara'e isai-sai lai apan mabbisara manungku i mangitou wotongnge mani'attu tempo addantane. Ariete maṛṛingiddu manga wal᷊iawa mangitou.

YEREMIA 37:19

Suapate manga nabin Tuangnga udde apan mabbisara manungku ratun Babel tawe mamangalo si Tuangnga wuṛṛu wanua indi?

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 51:23

I'o Ta'u ipaatta ipamate mallal᷊u'adda wuṛṛu winatangnga papadul᷊iananne, mabbawailla wuṛṛu sapin pajekone, tembonanne wuṛṛu manga perwira atanggaṛṛane.”

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 8:11

Manga lessan uma-U su sunna mangitou tumba'u lessa addio'a. ‘Eh, tawe apa-apane,’ unni mangitou, ‘Sarangkanambone mapia wuṛṛu mal᷊angnganna.’ Wutte'e mangke tawe.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

YEHEZKIEL 21:21

Ratun Babel uarisikka maranin pappalla ipamantingiddu lal᷊anna udde. Tadea'u maasingkatta lal᷊anna udde i tou naddorongnga tatantiro wuassu manga paal᷊uanne, nanampukku anaanna wuṛṛu namarikissa aten binatangnga apan wakku nionggolla sasamba.

YEHEZKIEL 21:29

Aellega apan niasiloanni yamiu udde palassu, wuṛṛu pani'atta apan iwabbalong kamiu udde lai wawahia wuṛṛu awusu. I yamiu lal᷊eo wuṛṛu mal᷊awangnga, wuṛṛu tempo ipakkuumannu apan panginsueanne maranite. Hal᷊ele udde sarun maṛṛata ullekkanu.

YEHEZKIEL 34:5

Ana waugu tawe mallal᷊u'adda, manga domba udde nassal᷊iawukka wuṛṛu naola'a inassu winatangnga mal᷊aṛṛaga.

YEHEZKIEL 34:8

Sulal᷊ummu arang-Ku, Ruata apan biakka, panutukke! Manga domba-U buatte tinamboanna wuṛṛu niinassu winatangnga mal᷊aṛṛaga, ana taweddu mallu'adda si mangitou. I yamiu manga mallal᷊u'a-U tawe mandiaga manga domba udde. I yamiu tumba'u maṛṛingiddu watangannu sassane, wal᷊ine hausannu manga dombanu.

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

MIKHA 2:12

Mawu nabbisara apia, “Ei umattu Israel apan ta'e nallambe! I yamiu sarun Ta'u iammulla wuṛṛu Ta'u iaukka ere domba apan nabbelangnga su tandangnge. Naal᷊ihidda wadda'u nannal᷊o apan napenen domba, aroddi lai wanuanu sarun mapene apia ringannu taumata marasai.

HABAKUK 2:18

Niawontohante i'o! I'o mabbisara su alu sampaddi, “Darisikke!” ara'e su sambau watu wahewalla, “Pabbangunte!” wotongngewe sambau paal᷊uanna mamasingkattu sambau saranapa si'o? Wotongnge mariaddi paal᷊uanna udde aoosannu wul᷊awanna wuṛṛu sal᷊a'a, arawe i tou tawe niawa. Apa hunane paal᷊uanna sassubbanna? Udde tumba'u inolaannu taumata. Apan niasombangannu wuassi tou tumba'u awusu. Tawe gunane pangangimannu mallal᷊anginnu paal᷊uanna su lanna'u limane, apan tawe maawisara udde.

ZAKARIA 11:17

Niawontohante mallal᷊u'adda apan tawe gunane udde! It ou buatte nanantangngu ammul᷊annu dombane. Ta'iakke sarun mabbal᷊i lome wuṛṛu mata aikkatanne mabbal᷊i wuta.”

REENGANNA 27:17

sangkatou apan botongnge maola'a atumannaṛṛane su tempo i mangitou mapapangalo. Arie pabbala'a al᷊aṛṛanang-Ngu indi naal᷊ihidda ammul᷊annu domba apan tawe mallal᷊u'adde.”

MATIUS 9:36

Su tempo Mawu Yesus naasilo taumata nambo udde, i Tou inumakkanni mangitou, ana waugu i mangitou tinumiangnga wuṛṛu lome, ere domba apan tawe mallal᷊u'adde.

MARKUS 6:34

Su tempo Mawu Yesus sinumossokka wuassu saalanna, i Tou naasilo taumata manambo. I Tou inumakkanni mangitou, ana waugu i mangitou naal᷊ihidda domba apan tawe mallal᷊u'adde. Ne i Tou nanattakke mangngaṛṛa'u al᷊awo'u al᷊aṛṛa'a si mangitou.

TAHIUL᷊E 13:2

ringannu pandumanna tadea'u i yamiu massubba massuṛṛubawa su manga Mawu apan awagananni yamiu, salaiwe riandine udde mariaddi,

MAL᷊AṚṚUUNGNGA 18:14

Siri lima matataṛaso'o apan dorone nirolokka udde nabbisara manga hawene, “I yamiu masingkate manungku su wal᷊en indi pia sambau paal᷊uanna apan papi'unannu sal᷊a'a? Pia lai manga paal᷊uanna waine wuṛṛu Efod. Ṛingira'e apa ṛinone olaanni ite.”