ZAKARIA 1:3 - WUKE SUSI WATTI'U AL᷊AL᷊USASSA

³ Arawe orassa indi i Ya'u mabbisara si'o: Pabbelengke ringang-Ku, ne i Ya'u lai sarun mabbelengnga ringannu.

ZAKARIA 1:3 Iomraidhean Croise

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 15:4

Arawe sutempo i mangitou sulal᷊ummu asasusa, i mangitou ma'iontolla su Mawu Ruatan Israel. I mangitou naddorongnga tatantiro-Ne ne i Tou nangonggola.

NEHEMIA 9:28

Arawe napawe wanuane matammudde apia, i mangitou na'ola'e rosa apia. Ne I'o nanantilli mangitou lai su seetta apan mangngallangnga si mangitou. Arawe, sutempo i mangitou maatutukka wuṛṛu sumassilla, i mangitou sumal᷊ande Si'o maddorongnga iapasal᷊amatta. Ne wuassu surga I'o naddaringikka, wuṛṛu masokka-sokka I'o nantul᷊ungnga, ana waugu I'o tuttal᷊antuppi mangitou wuṛṛu lembon marangngu.

AYUB 22:23

Pabbelengke su Mawu ringannu naungnga mawawo al᷊al᷊eo su wal᷊enu ṛinone insueannu.

YESAYA 31:6

Mawu nabbisara, “Walahannu Israel, i yamiu buatte nilumawangnga si Ya'u wuṛṛu marosa su saruang-Ku. Arawe orassa indi, pabbelengke ringang-Ku!

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YEREMIA 12:15

Arawe napawe buatte napasabbangngi mangitou, i Ya'u sarun umakkanni mangitou apia; suapan balahanna sarun Ta'u iapidda mabbelengnga su wanuane sassane.

YEREMIA 25:5

I mangitou mandolokki yamiu manatangngu ola'u pabbiaṛṛannu apan dal᷊eo, wuṛṛu manga inolaannu apan ma'arosa, tadea'u i yamiu wotongnge sidutu uatana'a su wanua indi apan buatte nionggollu Mawu si yamiu wuṛṛu al᷊amonanu maola'a pussa'a.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 4:1

Mawu nabbisara, “Umattu Israel, amungkangngu i yamiu mappulu mabbelengnga, wette pabbelengke ringang-Ku. Rammea'e dorone manga paal᷊uanna apan ia'aranting-Ku udde, wuṛṛu paatuṛṛutte si Ya'u.

YEHEZKIEL 18:19

Arawe asinungka pia taumata apan maiwal᷊o anio ana'a udde tawe lai suadio'a mamasanna pangillul᷊eannu manga rosan iamange. Sasimbakke eteudde, ana waugu ana'a udde mapia wuṛṛu tawe awusune. I tou matuṛṛutta su manga tita-U wuṛṛu mappaamatta ringannu satia, ne i tou sidutu wiakka.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

YEHEZKIEL 18:32

I Ya'u tawe mal᷊uassa amungkangngu pia sangkatou mate. Tantanga'e manga rosanu tadea'u i yamiu sidutu wiakka. I Ya'u Mawu Apan Atanggaṛṛanne buatte nabbisara.”

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

MALEAKHI 3:7

Ere iupungngu al᷊amonanu dorone, i yamiu sarangkanambone buatte simewedda wuassu manga tita wuṛṛu tawe mattuṛṛutta mappaamanne. Pabbelengke ringang-Ku, ne i Ya'u lai sarun mabbelengnga ringannu. Arawe i yamiu ma'iwal᷊o, ‘Apa apan ṛinone olaanni yami tadea'u mabbelengnga ringan-Nu?’