ZAKARIA 1:20 - WUKE SUSI WATTI'U AL᷊AL᷊USASSA

²⁰ Wua'udde Mawu namasilo si ya'u siri appata taumata taṛṛa sassalla ara'e ipu apan uaapiddu darupa.

ZAKARIA 1:20 Iomraidhean Croise

NEHEMIA 9:27

ne I'o nanantilli mangitou su seenne apan ringannu maṛṛagissa uataṛṛino wuṛṛu mangngallangnga si mangitou. Arawe sulal᷊ummu asasusa apan masaddatta, i mangitou sussal᷊ande Si'o maddorongnga sasumbala. Wuassu surga I'o naddaringikka; ringannu napenen darangngu I'o sinumibakka. I'o nandolokku piaṛṛa'a wuṛṛu tumannaṛṛanne apan mamallossi mangitou wuassu seetta.

YESAYA 44:12

Mananassalla nanganu sampoto atta'a ana see niola'a sulal᷊ummu putungnga wuṛṛu nisassallu darupa. I tou ma'ola'a ringannu anambon ikkanne apan pia si tou. Tantal᷊anna mammanara, i tou niamal᷊unusanna, wuṛṛu nal᷊otakke.

OBAJA 1:21

Tumana'u Yerusalem apan matohassa sarun mamangalo Edom wuṛṛu mamaddone. Ne i Ya'u Mawu sarun mamarenta maola'a ratu.”

TAHIUL᷊E 33:25

Antimanna manga soane tatandaanna ringannu ngaran pasallanganna apan niola'a wuassu witu'a wuṛṛu atta'a tadea'u i mangitou sidutu mabbiakka mal᷊annaba wuṛṛu matammuda.”

MAL᷊AṚṚUUNGNGA 11:16

Su tempo taumatan Israel nanantangngu Mesir, i mangitou nabatukku Eṛṛangngu Akaba sinumabbi wadda'u anne ana see na'omate su Kades.

MAL᷊AṚṚUUNGNGA 11:18

Wua'udde i mangitou nanassukku amatanne sinumabbi wadda'u anne, arawe tawe sinumabbi Edom wuṛṛu Moab, ewe'e nanganu lal᷊anna namal᷊iwutta na'oman sara na'omate su Moab sambaane ra'i, su samba'an Sal᷊ukku Arnon. I mangitou naddasanna poiaroddi, arawe tawe tinumumbe sal᷊ukka udde, ana waugu leta'a udde ta'e nasutta leta'u taumatan Moab.

1 SAMUEL 12:11

Wua'udde Mawu nandolokki Gideon, ana see i Barak, wua'udde i Yefta, wuṛṛu panginsueanne ya'u. Yami sambau-sambau buatte namallossi yamiu wuassu seennu, na'oman sara i yamiu wotongnge mabbiakka mal᷊angnganna.