YUNUS 4:8 - WUKE SUSI WATTI'U AL᷊AL᷊USASSA

⁸ Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

YUNUS 4:8 Iomraidhean Croise

PANDARIADDI 41:6

Wua'udde tinumuwote lai pitun rae gandumma waine, apan maṛṛisitta wuṛṛu tinumolangnga ana waugu anginnu wadda'a.

1 MARARATU 19:4

ana see niumamatta watukku wadda'a lol᷊okka al᷊annune allo massallo wuṛṛu nangillol᷊o su sambau punnu alu apan masindumunna. Isudde i tou inuma'ianna wuṛṛu pendamanna i tou mappul᷊ute nate. “I ya'u tate maataṛṛangnga lai, Mawu,” wisarane su Mawu. “Alape niawa'u. I ya'u tawe mapianne wuassu al᷊amona'u!”

1 MARARATU 21:4

Ringannu naungnga massusa wuṛṛu massa'u ana waugu naaringikka apa apan niwisaran Nabot si tou, i Ahab napul᷊e ana see nilumallowangnga su tampan atatiil᷊anne ringannu namilingngu hatine wuṛṛu maddiri umanna.

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

AYUB 7:15

Na'oman sara mappianne i ya'u attonganna see mate wuassu mabbiakka sulal᷊ummu awa'a napenen asasusa indi.

DARALO 121:6

I'o tawe rumadda'a ana waugu matannallo sutempo allattune, ara'e ana waugu wul᷊anna sutempo allorane.

DARALO 39:9

Pallosaawe i ya'u wuassu anambon rosa'u, arie pabbala'a i ya'u mabbal᷊i aal᷊uandahannu taumata longonna.

MANNANASE 7:9

Arie tumaniten mal᷊ihakka mandona; tumba'u taumata woddo apan mangngune.

ANTARI MAWANTUGA 1:6

Arie pa'innunu pisi'u ma'itumma, ana waugu i ya'u nal᷊akkabbu paddissa. Manga iaangku esakka massa'u si ya'u, wuṛṛu nandolo'u mammanara su waillu anggore; i ya'u tawe tempo ipamaddul᷊i watangangku sassane.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YEHEZKIEL 19:12

Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

YUNUS 1:17

Tantal᷊anna udde Mawu napaarantan sambau inassa apan masallakka apan mangalluppa si Yunus. Ne Yunus natana'e sulal᷊ummu tiannu inassa udde tallu allo tallu ṛabbi al᷊annune.

YUNUS 1:4

Yunus nilumintukka su tampa apan al᷊iuwowane wuṛṛu nilumallowangnga isudde, ana see niamatiil᷊anna mal᷊angnga. Wua'udde Mawu nandantan anginna ma'ikkatta su tahal᷊oangnga, ana see nariaddite tandi'a apan wahewalla, apan namuulla apalla udde na'oman sara maranite mapesangnga. Manga mamanaran apalla tumaniten matta'utta wuṛṛu mangngintulite maiontolla, sangkatou-sangkatou su monganne sassane. Su ipanggaingnga asasilaka lumakkubba, i mangitou namarentan lurannu apalla udde su tahal᷊oangnga.

YUNUS 4:3

Orassa indi, oh Mawu, wala'ewe i ya'u mate, ana waugu mappianne i ya'u mate wuassu wiakka.”

YUNUS 4:9

Arawe Ruata nabbisara si tou, “I'o tawe wotongnge mabbal᷊i aroddi asusane ana waugu sinuananna udde!” Yunus sinumimbakka, “Anio tawe? Suṛṛinone i ya'u masa'u atonna ma'oman sara mate.”

MATIUS 20:12

‘Mammamanara apan nirumanta panginsueanne udde tumba'u nammanara sangka orassa. Arawe i yami nammanara allo massallo uawati su paddissu matannallo, arawe mawu namaekka si mangitou ere lai si yami!’

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

SONDAPPA 7:16

I mangitou tate maapendama mal᷊unussa ara'e marou; matannallo ara'e paddisa mapal᷊atta tate maal᷊oso si mangitou,

1 SAMUEL 3:18

Ana see i Samuel namasingkattu sarangkanambone udde si Eli. Tawe saran sambau apan niadappingnge. Wua'udde nabbisarate i Eli, “I Tou Mawu, walate i Tou ma'ola'a tumuṛṛuttu apulu-Ne udde mapia.”