YUNUS 3:9 - WUKE SUSI WATTI'U AL᷊AL᷊USASSA

⁹ Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

YUNUS 3:9 Iomraidhean Croise

2 SAMUEL 12:22

“Ore,” sasimbakki Daud, “atonna i ya'u tawe umanna wuṛṛu lulluai sutempo ana'a udde ta'e wiakka ana waugu i ya'u maṛṛingidda: Asinungka i ya'u sarun iakkannu Mawu wuṛṛu mapawiakku ana'a udde.

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

DARALO 85:3

I'o buatte nangampunga manga rosan al᷊aṛṛanang-Ngu; I'o nangonggolu ampungnge al᷊awo'u pasasal᷊ane.

DARALO 90:13

Oh Mawu, sara tingngera I'o masa'u? Pabbelengke wuṛṛu akkanaawe manga allang-Ngu.

YEREMIA 26:13

Ana waugu udde, pamal᷊ute ola'u pabbiaṛṛannu wuṛṛu manga inolaannu; paatuṛṛutte Mawu Ruatanu, tadea'u i Tou marru'udden ṛiin-Ne ipanilaka si yamiu.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

YUNUS 1:15

Wua'udde i mangitou nallombotten Yunus sulal᷊ummu tahal᷊oangnga. Ne tandi'a udde nol᷊ote mandi'uṛṛu.

YUNUS 1:6

Sutempo apitennu apalla udde nilumintukka wowane, i tou naasangkalla si Yunus isudde tantal᷊anna mattiilla. Ana see i tou nabbisara, “Ṛatadde i'o wotongnge maatiilla su lal᷊ummu olangnge arendi! Otte pabbangunte! Aal᷊iomante su mongannu pa'iontolla. Isai masingkatta i tou sarun umakkanni ite ma'oman sara i ite tawe mate.”

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.