YUNUS 3:4 - WUKE SUSI WATTI'U AL᷊AL᷊USASSA

⁴ Yunus sinumutta su soa udde wuṛṛu napawe buatte niumamatta su al᷊o'engngu allo, i tou mannattakke mannase, wisarane, “Appatu pul᷊o su allone lai, Niniwe sarun maṛṛimunsa'a!”

YUNUS 3:4 Iomraidhean Croise

2 MARARATU 20:1

Sutempo udde i Ratu Hizkia nirumadda'a pinsula apan mawakkata na'oman sara maraniten nate. I Nabi Yesaya ana'i Amos nattembo si tou wuṛṛu nabbisara, “Mawu nannanata tadea'u i Tuanga sarun manginsue al᷊awo'u manara, ana waugu i Tuanga tate mapia wuassu radda'a. Tate mal᷊annu lai i Tuanga sarun nate.”

2 MARARATU 20:6

I Ya'u manamba lai uukku 15 su tonnane. I'o wuṛṛu soan Yerusalem sarun Ta'u ipallossa wuassu ratun Asyur. Soa indi sarun Ta'u lu'aranna ana waugu arang-Ku sassane wuṛṛu ana waugu pa'aire-U ringannu allang-Ku i Daud.”

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YEREMIA 42:10

‘Amungkangngu i yamiu mappulu sidutu uatana'a su wanua indi, i Ya'u sarun mabbatunna si yamiu, wal᷊ine mamontolla; i Ya'u sarun mapararisikki yamiu, wal᷊ine manggohakka.

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.

MATIUS 12:41

Su Allong Kiamatta, lal᷊oṛṛo Niniwe sarun mabangunna su sambau ringannu manga taumatan tempo indi wuṛṛu mapaasal᷊a mangitou. Ana waugu manga taumata Niniwe udde nawal᷊u wuassu rosa mangitou, su tempo Yunus nannase si mangitou. Arawe orassa indi pia maggewal᷊anne wuassi Yunus!

LUKAS 11:30

Su ereapa i Nabi Yunus na'ola'a al᷊aṛṛindu'a su taumatan soa Niniwe, aroddi lai Ana'u Taumata sarun ma'ola'a sambau al᷊aṛṛindu'a su manga taumata tempon indi.

LUKAS 11:32

Su Allong Kiamatta, tumana'u soa Niniwe sarun mabangunna su sambau ringannu taumatan tempo indi, wuṛṛu mangansilla si mangitou, ana waugu taumata Niniwe udde nawal᷊u wuassu manga rosane napawe Yunus nannase si mangitou. Arawe isindi orassa indi pia magewal᷊anna wuassi Nabi Yunus!”

TAHIUL᷊E 18:22

Amungkangngu sangkatou nabi mabbisara ringannu arannu Mawu, arawe wisarane udde tawe nariaddi, ne sasi'atta udde wal᷊ine wuassu Mawu. Nabi udde mabbisara ringannu aranne sassane wuṛṛu i yamiu ariete mata'utti tou.”