YUNUS 3:10 - WUKE SUSI WATTI'U AL᷊AL᷊USASSA

¹⁰ Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.

YUNUS 3:10 Iomraidhean Croise

1 TAWARIKH 21:15

Ana see Mawu nandolokku sangkatou mala'ekatta niapaṛṛimunsa'a Yerusalem. Arawe sutempo mala'ekatta udde na'omate maranin paṛṛindanna ganduma pussa'an Arauna taumatan Yebus, Mawu namal᷊u parenta-Ne makkuumannu walahanna udde. I Tou nabbisara mala'ekatta udde, “Wotongngete, Taal᷊a'e!”

SASABANGNGA 32:14

Ne Mawu namal᷊u pandumanne wuṛṛu tate mapaamattu riin-Ne ipangema'a walahanna udde ringannu asasilaka.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YEREMIA 18:7

Napawe su sambau tempo i Ya'u makkawessa mamate, maṛṛa'a wuṛṛu makkimunsa'a sambau walahanna ara'e araratuanna,

YEREMIA 18:8

ana see walahanna udde mawal᷊u wuassu rosane, ne i Ya'u sarun tawe mapaamattu apulu-U udde.

YEREMIA 36:3

Asinungka taumatan Yehuda tate ma'ola'a al᷊al᷊eo napawe i mangitou maaringikka su ola'u anambon asasilaka apan Ta'u niṛṛia'a si mangitou. Ne i Ya'u sarun mangampungnga rosa wuṛṛu al᷊al᷊eo mangitou.”

YEREMIA 42:10

‘Amungkangngu i yamiu mappulu sidutu uatana'a su wanua indi, i Ya'u sarun mabbatunna si yamiu, wal᷊ine mamontolla; i Ya'u sarun mapararisikki yamiu, wal᷊ine manggohakka.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

AMOS 7:3

Mawu namal᷊u ṛiin-Ne wuṛṛu nabbisara, “Apan niasiloannu udde tawe mariaddi.”

AMOS 7:6

Mawu namalu ṛiin-Ne apia wuṛṛu nabbisara, “Indi lai sarun tawe mariaddi.”

YUNUS 4:11

Tawe mariaddi i Ya'u tawe masusa maṛṛingiddu Niniwe, soa apan wahewalla udde. Ana waugu wal᷊ine wuassu manga winatangnge apan tawe iareengnga udde, isudde pia lai 120.000 su atoune al᷊aṛṛana'a apan ta'e wagga suapa mapia wuṛṛu suapa al᷊al᷊eo.”

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

LUKAS 11:32

Su Allong Kiamatta, tumana'u soa Niniwe sarun mabangunna su sambau ringannu taumatan tempo indi, wuṛṛu mangansilla si mangitou, ana waugu taumata Niniwe udde nawal᷊u wuassu manga rosane napawe Yunus nannase si mangitou. Arawe isindi orassa indi pia magewal᷊anna wuassi Nabi Yunus!”

LUKAS 15:20

Ne i tou inaite napul᷊e ringannu iamangnge. Ta'e marau wuassu wal᷊e, i tou niasiloanten iamangnge. Ringannu aakkanna iamangnge tinumal᷊angnga naisasomban tou, see naṛṛa'uppa wuṛṛu nangari'a si tou.