YUNUS 2:3 - WUKE SUSI WATTI'U AL᷊AL᷊USASSA

³ Watukku tampa apan mal᷊al᷊umma i ya'u niwareta-Nu, naddatingngu ṛanassu tahal᷊oangnga. Poiaroddi saggan tahal᷊oangnga uapaliwutta si ya'u, lua'a wuṛṛu tandi'a mangke mallombo'u.

YUNUS 2:3 Iomraidhean Croise

2 SAMUEL 22:5

I ya'u papal᷊iwutannu asasilakan papate wuṛṛu uaṛṛammo su manawangngu papate.

DARALO 116:1

I ya'u mandangngu Mawu, ana waugu i Tou naddaringikka si ya'u wuṛṛu nangutungu darorongku.

DARALO 116:2

I Tou naddaringikka si ya'u, suapawe i ya'u sumal᷊ande si Tou.

DARALO 120:1

Aantarin patatembo. Sulal᷊ummu asasusa'u i ya'u ma'ial᷊are su Mawu, ne i Tou sinumimbakka si ya'u.

DARALO 42:7

Su leta'a pamamanguanna indi naungku naṛimunsa'a, ana waugu udde i ya'u nanaungnga Mawu. Niawa'u nielekku saggan asasusa, i ya'u niṛṛammon manawangu al᷊iba'ukka; naal᷊ihidda tingikku ampassu Sal᷊ukku Yordan wuassu Wowon Hermon wuṛṛu Wowon Mizar.

LAL᷊ALLU 3:54

Ua'e niumawitta naddatingngu pua'u, wuṛṛu i ya'u naṛṛingidda, – ‘Nia'omante papate'u!’

LAL᷊ALLU 3:55

Oh Mawu, i ya'u sumal᷊ande Si'o, wuassu wantan paṛṛihi apan mal᷊al᷊umma udde.