YUNUS 1:9 - WUKE SUSI WATTI'U AL᷊AL᷊USASSA

⁹ Sasimbakki Yunus, “I ya'u taumatan Ibrani. I ya'u massubba Mawu Ruata su surga, apan nadiaddi tahal᷊oangnga wuṛṛu ammaranne.”

YUNUS 1:9 Iomraidhean Croise

PANDARIADDI 1:10

Ruata nanagon leta'a udde “Ammaranne”, wuṛṛu ammul᷊annu ua'e udde nissagote “Tahal᷊oangnga”. Wuṛṛu Ruata mal᷊uassa ma'ellega olangnge udde.

PANDARIADDI 14:13

Arawe sangkatou apan naatal᷊angnga nangalaen arariadianna udde si Abram, taumatan Ibrani udde. I Abram uatana'a maranin manga punnu alu pia taṛṛinone tampa patataṛṛamawuanna tatahuananni Mamre, taumatan Amori. I Mamre wuṛṛu manga tuṛṛangnge, eteudde i Eskol wuṛṛu i Aner eteudde manga hawen i Abram.

PANDARIADDI 24:7

Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.

PANDARIADDI 39:14

i tou namago manga mangangimbene wuṛṛu nabbisara, “Pa'ellego! Taumatan Ibrani apan niapiddu awingku su wal᷊en indi, nallobossa si ite. I tou sinumutta sulal᷊ummu wabboa'u wuṛṛu maapulu makkampassa si ya'u, arawe i ya'u niumui ma'ikka-ikkata.

2 MARARATU 17:25

Sutempo i mangitou paarorone natana'a isudde, i mangitou tawe mangadata Mawu; ana waugu udde Mawu nandantan manga singa niapatambo sambageanganna wuassi mangitou.

2 MARARATU 17:28

Ne sangkatou imam su Israel, apan buatte niapidda wuassu Samaria watukku Asyur, napul᷊ete wuṛṛu natana'e su Betel. Poiaroddi i tou mangngaṛa'a tumanange ereapa ṛinone massubba Mawu.

EZRA 1:2

“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.

EZRA 5:11

I mangitou sinumimbakka, ‘I yami tantal᷊anna mapararisikku apia Wal᷊en Mawu apan nipararisikka wuṛṛu nisuuangnga piraten pul᷊o su tonnane nal᷊iu apan niola'u sangkatou ratun Israel apan mawantuga.

NEHEMIA 1:4

Naaringikka watti'a udde, i ya'u niuma'ianna wuṛṛu nilumuai. Manga pira allo al᷊annune naungku massusa. I ya'u sidutu mappuasa lapiddu u'al᷊imonna su Ruata,

NEHEMIA 2:4

Ratu naiwal᷊o, “Nariaddi, apa apan ipaapulunu?” Sulal᷊ummu naungnga i ya'u u'al᷊iomanna su Ruata uataṛṛino su surga,

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

AYUB 1:9

Arawe i Mamamono'a sinumimbakka, “Wotongnge mariaddi i Ayub massubba Si'o ana waugu i tou maasomba lal᷊antakke.

DARALO 136:26

Paadiangkamante su Ruata apan uataṛṛino langitta; darangngu-Ne tawe panguddusanne.

SASABANGNGA 1:15

Wua'udde ratu Mesir namarenta si Sifra wuṛṛu si Pua, ruan katou biangnga apan mantul᷊ungngu manga wawinen Ibrani apan mangngunsiwe.

SASABANGNGA 2:13

Tiṛṛabine i Musa inaite apia, ana see i tou naasilo ruan katou taumatan Ibrani tantal᷊anna uawawul᷊o. “Anio i'o namuulla hawenu?” aiwal᷊o i Musa su taumata apan nassal᷊a udde.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

FILIPI 3:5

I ya'u nissunatta su tempo uukka ual᷊u allo. I ya'u niasungkangnga ere sangkatou Israel, wuassu ruanganni Benyamin; i ya'u taumatan Ibrani tutune. Sulal᷊ummu tatuṛṛuta su manga titan agaman Yahudi, ya'u nasutta su reengannu taumatan Farisi.

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

SONDAPPA 16:11

See i mangitou namontoge Ruata su surga ana waugu i mangitou nataddu'a wuṛṛu ana waugu manga pinsuli mangitou. Arawe i mangitou tawe mawal᷊u lai wuassu pallal᷊agu mangitou apandal᷊eo.