YUNUS 1:6 - WUKE SUSI WATTI'U AL᷊AL᷊USASSA

⁶ Sutempo apitennu apalla udde nilumintukka wowane, i tou naasangkalla si Yunus isudde tantal᷊anna mattiilla. Ana see i tou nabbisara, “Ṛatadde i'o wotongnge maatiilla su lal᷊ummu olangnge arendi! Otte pabbangunte! Aal᷊iomante su mongannu pa'iontolla. Isai masingkatta i tou sarun umakkanni ite ma'oman sara i ite tawe mate.”

YUNUS 1:6 Iomraidhean Croise

2 SAMUEL 12:22

“Ore,” sasimbakki Daud, “atonna i ya'u tawe umanna wuṛṛu lulluai sutempo ana'a udde ta'e wiakka ana waugu i ya'u maṛṛingidda: Asinungka i ya'u sarun iakkannu Mawu wuṛṛu mapawiakku ana'a udde.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

DARALO 107:6

Sulal᷊ummu asasusa i mangitou ma'ial᷊are su Mawu, wuṛṛu i Tou namallossi mangitou wuassu asasusa.

DARALO 78:34

Suapan Ruata mamate manga pira suwallati mangitou, ingana'a waine sinumassilla wuṛṛu nabelengnga ringanni Tou.

YESAYA 3:15

Anio i yamiu mangngallangnga uma-U wuṛṛu manganu saranapan taumata asiangnga? I Ya'u, Mawu Apan Atanggaṛṛanne wuṛṛu Lembontaṛṛino buatte nabbisara.”

YEHEZKIEL 18:2

“Anio sasanato'a indi sidutu isassago su wanuan Israel? ‘Taumata timmade u'anna wuan anggore apan mapakkadda temange, arawe al᷊aṛṛana'a maṛṛangirassa isine.’

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

YUNUS 3:8

Taumata wuṛṛu winatangnga ṛinone mappaattu nasa karongnga. Maola'a tatialan sasassillu anambon taumata ṛinone umal᷊iomanna ringannu atonna-tonna su Ruata. I mangitou ṛinone mangapia pallal᷊agune apan dal᷊eo wuṛṛu inolaanne apan nepenen dosa.

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

ROMA 13:11

Su liuddu sarangkanambone udde i yamiu maasingkata manungku tempo indi eteudde temponu mapu'o wuassu atatiilla. Ana waugu tempone i ite iapaasal᷊amatta maranite orassa indi, wuassu i ite wakkute mannattaka mangngimanna.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”