YUNUS 1:12 - WUKE SUSI WATTI'U AL᷊AL᷊USASSA

¹² Yunus sinumimbakka, “Rammea'e i ya'u sulal᷊ummu tahal᷊oangnga, ne tandi'a sarun umol᷊o. Ana waugu orassa indi i ya'u masingkatte, manungku ete i ya'u apan naaola'a tandi'a wahewalla indi naṛṛia'a si yamiu.”

YUNUS 1:12 Iomraidhean Croise

2 SAMUEL 24:17

I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

1 TAWARIKH 21:17

Daud inumal᷊iomanna, wisarane, “Oh Mawu, ete i ya'u apan nassal᷊a. Ete i ya'u apan nandolokka napaola'a pandareengnga udde. Walahanna indi mangke atonna tawe sal᷊ane! Oh Mawu, Ruata'u, ṛuumana'e i ya'u wuṛṛu amonangku, arawe liua'a asasilaka indi wuassu al᷊aṛṛanang-Ngu.”

AYUB 35:8

Tumba'u sansul᷊ungngu apan niarugiannu manga rosanu. I tou lai apan mauntungnga ana waugu apapianu.

MANNANASE 9:18

Asingkatta lembon mahuna wuassu lutangnga, arawe sukkatta santiti'a maarusa susu sangkurinna.

YUNUS 1:11

Tantal᷊anna udde tandi'a mangke mandi'uṛṛu, ana see anga mamanaran apalla naiwal᷊o si tou, “Apa apan ṛinone olaanni yami si'o tadea'u tandi'a indi umol᷊o?”

YUNUS 1:13

Arawe manga mamanaran apalla udde ta'e lai mattinsahadda ringannu ahewallu ikkanne mammundallu apalla udde watukku ammarenne. Arawe tandi'a lembon mandi'uṛṛu lai, na'oman sara sahaddi mangitou tawe gunane.

YOHANES 11:50

Apa i yamiu tawe maatutukka manungku ana waugu tumanangnge, mappianne sangkatou mate wuassu al᷊awo'u walahanna indi maṛṛimunsa'a?”

WATTI'U MANGA RASUL 27:24

Mala'ekatta udde nabbisara, ‘Arie pa'ata'utta, Paulus! Ana waugu i'o sarun sumaruanna si Kaisar. Wuṛṛu ana waugu wuassu apapia naungngu Ruata si'o, anambon taumata apan uasa'e apalla suadio'a ringannu sarun masal᷊amatta ana waugu i'o lai isudde.’

YOSUA 7:12

Ana waugu udde i mangitou tawe naataṛṛanga sumaruanna seetta. I mangitou nienggenannu seetta ana waugu i mangitou sassane lai niaṛṛiaannu ṛuumanna pateanna. I Ya'u madirite tumantalongnga si yamiu lai, amungkangu manga saranapa apan tawe wotongnge anuanna udde taambe nitutunga.