YUDAS 1:7 - WUKE SUSI WATTI'U AL᷊AL᷊USASSA

⁷ Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

YUDAS 1:7 Iomraidhean Croise

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

PANDARIADDI 18:20

Wua'udde Mawu nabbisara si Abraham, “Pia aalae apan wahewalla su Sodom wuṛṛu Gomora, wuṛṛu atonna paddarosa mangitou tumaniten manambo.

PANDARIADDI 19:5

I mangitou niumui si Lot, wuṛṛu naiwal᷊o, “Suapa manga taumata apan nanaṛṛabbi su wal᷊enu? Tantil᷊a'e itarua, tadea'u i yami wotongnge mailalo'a ringanni mangitou!”

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

YESAYA 13:19

Wuassu anambon araratuanna, ete Babel udde aṛṛansanganne wuṛṛu naola'a ilalluassu tumanangnge. Arawe i Ya'u, Mawu, sarun makkimunsa'a, ere buatte Ta'u niola'a su Sodom wuṛṛu Gomora.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YEREMIA 20:16

Wala'e i mangangapiddu watti'a udde ere manga soa apan niṛṛimunsa'u Mawu ringannu tawe aakkanna. Wala'e i tou maaringikka auaren atataddu'a su tempo marua'allo, wuṛṛu hahoressan pangalo su allattune.

YEREMIA 50:40

Su ereapa i Ya'u nanggohakku Sodom wuṛṛu Gomora suadio'a ringannu ampungnga maranine, aroddi lai Ya'u sarun makkimunsa'a Babel. Tawe saran sangkatou apan matana'a lai poiaroddi. I Ya'u, Mawu, buatte nabbisara.

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

MATIUS 10:15

Paanaunge! Su Allong Kiamatta, manga taumatan soa Sodom wuṛṛu Gomora malluasanna ampungannu Ruata wuassu manga taumata su soa udde!”

MATIUS 11:24

Paanaunge, su Allong Kiamatta, taumatan Sodom malluasanna ampungannu Ruata wuassi yamiu!”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

LUKAS 17:29

Arawe napawe i Lot sinumabangnga wuassu Sodom, allo udde putungnga wuṛṛu belerangnga nanawo wuassu langitta wuṛṛu namate si mangitou sarangkanambone.

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

2 PETRUS 2:2

Salaiwe aroddi, manambo taumata sarun tumantalongnga ola'u wiakku manga huru awusu udde apan tataṛṛinoannu apulu naungngi mangitou. Wuṛṛu inolaannu manga huru udde sarun mamol᷊engnga manambo taumata mangal᷊uandaga Lal᷊anna Naṛṛino mattuda Duata.

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.