YUDAS 1:21 - WUKE SUSI WATTI'U AL᷊AL᷊USASSA

²¹ wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

YUDAS 1:21 Iomraidhean Croise

AYUB 14:14

Ana waugu, napawe taumata mate, wotongngewe i tou mabbiakka apia? Allo uahahantin allo i ya'u uaṛṛaddo maddatingngu tempo asasusa'u indi mal᷊iudda.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.

ROMA 5:5

Pangangantimma ereindi tawe mapaaddio'u naungngi ite, ana waugu naungngi ite nilloṛṛoannu Ruata ringannu darangngu-Ne. Ruata nammanara udde ringannu Ghaṛṛaho-Ne, apan suete nionggola si ite.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 8:39

mawae ete manga inolaanna su langitta, ara'e su wowon runia ara'e saranapa lai waine, sarangkanambone udde tawe wotongnge maasingaddu aakkannu Ruata si ite, ere buatte niapaasingkati Tou su pabbiaṛṛani Kristus Yesus Mawun kite.

2 TESALONIKA 3:5

Doronganna Mawu mangehetta si yamiu ana see wotongnge lembon maasunna manungku Ruata marangngu si yamiu wuṛṛu manungku Kristus nangonggollu atatamudda si yamiu.

2 TIMOTIUS 1:16

Arawe lal᷊oṛṛon bal᷊en Onesiforus masokkate malluassa naungku. Doronganna Mawu mapaal᷊iatta'u darangngu-Ne si mangitou. Salaiwe i ya'u sulal᷊ummu tuttupanna, Onesiforus tawe masilin inolaangku udde.

2 TIMOTIUS 1:18

Wuṛṛu i'o masingkatta manungku su Efesus i tou masokka mantul᷊ungku. Doronganna Mawu mapaal᷊iatta'u darangngu-Ne si tou su allo Mawu mamarikissa anambon walahannu taumata.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

2 PETRUS 3:12

tantal᷊anna i yamiu uaraṛṛaddo wuṛṛu luṛṛintulu darantan Allon Ruata. Su Allo udde langitta sarun masue matutungnga, wuṛṛu ana waugu sal᷊ihangnge, ne manga sarannapa su langitta sarun monossa.

1 YOHANES 4:16

I ite sassane masingkata wuṛṛu mangngimanna darangngun Duata si ite. Ruata udde marangngu. Taumata apan wiakke paparentannu darangngu, taumata udde uaaukka ringannu Ruata, wuṛṛu Ruata uaaukka ringanni tou.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

1 YOHANES 5:21

Manga al᷊aṛṛana'u, paaraua'e watanganni yamiu wuassu al᷊awo'u paal᷊uanna!

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

YUDAS 1:22

Matataṛṛino su manga taumata apan naungnge niumal᷊iwu, ṛinone i yamiu mappa'ellegu paa'akkana.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

SONDAPPA 12:11

Manga tuṛṛangi ite suete napaarugin tou ringannu ṛaṛṛan Ana'u Domba udde, wuṛṛu ringannu watti'a apan atonna wuassu Ruata apan niwatti'i mangitou. I mangitou mal᷊uassa nanantillu niawa mangitou ma'oman sara mate.