YUDAS 1:11 - WUKE SUSI WATTI'U AL᷊AL᷊USASSA

¹¹ Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

YUDAS 1:11 Iomraidhean Croise

2 MARARATU 16:16

I Uria napaamattu parentan datu.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YESAYA 3:9

Ala'uanni mangitou apan mawunga mapal᷊iatta'u al᷊al᷊eon mangitou. Ringannu matualaga i mangitou narosate ere taumatan Sodom paarorone. Nasilakate i mangitou! I mangitou mandantan asasilaka su watanganni mangitou sassane.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

YEHEZKIEL 13:3

Mawu Apan Atanggaṛṛanne nabbisara, “Nasilakate manga nabi apan woddo udde! Ṛingiranne nia'ompante wuassu tinnaune sassane pa'ellege tumaniten awusu atonna.

MIKHA 6:5

Uma-U, naungete apa apan nihol᷊agi Balak ratun Moab si yamiu, wuṛṛu apa apan nisimbakki Bileam ana'i Beor si tou. Naungete apa apan nariaddi su amatanna suwallattu paddasananna su Sitim wuṛṛu su Gilgal. Amungkangngu i yamiu maanaungnga sarangkanambone udde, i yamiu sarun maatutukka apa apan buatte Ta'u niola'a tadea'u ipanal᷊amatta siy amiu.”

ZAKARIA 11:17

Niawontohante mallal᷊u'adda apan tawe gunane udde! It ou buatte nanantangngu ammul᷊annu dombane. Ta'iakke sarun mabbal᷊i lome wuṛṛu mata aikkatanne mabbal᷊i wuta.”

REENGANNA 31:16

Wal᷊inewe manga wawine udde tinumuṛṛutta tatantiron Bileam, na'oman sara nassalo'u taumatan Israel su Peor ana see nanantangngu Mawu? Wuṛṛu eteudde nandatan asasusa su al᷊aṛṛana'u Mawu!

MATIUS 11:21

“Nasilakate yamiu Korazim! Wuṛṛu nasilakate lai yamiu, Betsaida! Unnu wisara manga al᷊aṛṛindu'a apan niola'a su pattangnganni yamiu suete niola'a su Tirus wuṛṛu Sidon, asinungka manga taumata poiaroddi mal᷊annute nawal᷊u wuassu paddarosa mangitou wuṛṛu suete nalluṛṛen laubbu massusa, see nandenoten awu su pua mangitou.

TAHIUL᷊E 23:4

ana waugu i mangitou maddiri mangonggolu anna wuṛṛu ua'e si yamiu su tempo i yamiu sulal᷊ummu amatanna sumabbangnga wuassu Mesir. Ewe'e lai i mangitou nanewa si Bileam, ana'i Beor wuassu soan Petor su Mesopotamia iapawontoga si yamiu.

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.