YUDAS 1:1 - WUKE SUSI WATTI'U AL᷊AL᷊USASSA

¹ Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

YUDAS 1:1 Iomraidhean Croise

MATIUS 10:3

Wua'udde i Filipus wuṛṛu i Bartolomeus, see i Tomas, see i Matius, mallal᷊uṛṛu wose, see i Yakobus ana'i Alfeus, wuṛṛu i Tadeus;

MATIUS 13:55

Wal᷊inewe i Tou ana'u waseng kalu? Wal᷊inewe i Maria udde inangnge; wuṛṛu manga tuṛṛangnge udde i Yakobus, i Yusuf, i Simon, wuṛṛu i Yudas?

MARKUS 3:18

i Andreas, i Filipus, i Bartolomeus, i Matius, i Tomas, i Yakobus ana'i Alfeus, i Tadeus, i Simon Patriot,

MARKUS 6:3

Wal᷊inewe i Tou indi ana'u waseng kalu, ana'i Maria, wuṛṛu tuṛṛangngi Yakobus, i Yoses, i Yudas wuṛṛu i Simon? Ore, manga tuṛṛang-Nge wawine lai udde uatana'a isindi.” Ana waugu udde i mangitou nanol᷊ai Tou.

LUKAS 6:16

I Yudas ana'i Yakobus wuṛṛu i Yudas Iskariot apan sal᷊immurine naola'a mandal᷊al᷊eo.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 14:22

I Yudas (wal᷊ine i Yudas Iskariot) naiwal᷊o Mawu Yesus, “Mawu, anio Mawu mapaal᷊iatta'u riri-Nu si yami wuṛṛu tawe su runia?”

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

YOHANES 17:15

I Ya'u tawe madorongnga tadea'u Iamangnga mangal᷊appa si mangitou wuassu runia indi, arawe i Ya'u madorongnga tadea'u iamangnga mallu'adda si mangitou wuassi Ral᷊eo.

YOHANES 17:17

Olaawe i mangitou pussa'an Iamangnga sassane sulal᷊ummu atatul᷊idda; wisaran Iamangnga eteudde atatul᷊idda.

YOHANES 17:19

Su hausanni mangitou, i Ya'u nanantillu riri-U maola'a pussa'an Iamangnga sassane, tadea'u i mangitou lai maola'a pussa'an Iamangnga sassane sulal᷊ummu atatul᷊idda.

YOHANES 6:39

Wuṛṛu ete indi apulu-Ne apan nandolo-U: tadea'u wuassu anambon taumata apan tinantilla si Ya'u, tawe saran sangkatou apan mawul᷊i; tadea'u i Ya'u mapaawangunni mangitou su Allong Kiamatta.

WATTI'U MANGA RASUL 1:13

Su Yerusalem i mangitou inaite watukku wal᷊e su tampa i mangitou mattindaho, see nirumanganna su wabbo'a ṛengkenne al᷊iurosone. Manga rasul eteudde i Petrus wuṛṛu i Yohanes, i Yakobus wuṛṛu i Andreas, i Filipus wuṛṛu i Tomas, i Bartolomeus wuṛṛu i Matius, i Yakobus ana'i Alfeus, i Simon Patriot wuṛṛu i Yudas ana'i Yakobus;

WATTI'U MANGA RASUL 20:32

Orassa indi ya'u manantilli yamiu su Ruata, tadea'u i Tou mammadul᷊i si yamiu wuṛṛu tadea'u i yamiu sidutu ua'umbele watti'u darangngun Ruata. Ruata uatahuanna taṛṛino ipanohassa si yamiu wuṛṛu nangonggolu manga al᷊amatta apan sueten saddiane ionggolla su al᷊aṛṛanang-Nge.

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

ROMA 1:6

Pandumannu wisara al᷊awo'u walahanna eteudde i yamiu lai apan uatana'a su Roma; i yamiu lai buatte niwagoanna maola'a taumatan Mawu Yesus Kristus.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

ROMA 6:22

Arawe orassa indi yamiu buatte niapaal᷊iu wuassu rosa, wuṛṛu naola'e allangngu Ruata. Auntungannu eteudde manungku i'o mabbiakka tumba'u hunane su Ruata wuṛṛu su olangnge udde sarun mandantan wiakka tutune wuṛṛu saran mal᷊annu-l᷊annu.

ROMA 8:30

Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

ROMA 9:24

Ete i ite apan buatte niwaggoan-Ne, wal᷊ine tumba'u wuassu walahannu Yahudi, arawe lai wuassu manga walahanna waine.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

EFESUS 5:26

Kristus na'ola'a ereudde tadea'u i Tou wotongnge mamaresi jamaatta udde ringannu al᷊aṛṛang-Nge wuṛṛu ringannu ua'en sasaṛṛani, tadea'u wua'udde i Tou wotongnge manantilla su Ruata.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

2 TIMOTIUS 4:18

Wuṛṛu i ya'u napallose wuassu papate. Atonna Ruata sarun mamallosa wuassu al᷊awo'u pandumma apan lal᷊eo su riri'u. I Tou sarun mangapi'u ringannu sal᷊amatta sulal᷊ummu araratuan-Ne su surga. Ṛinone i Tou wantuhanna saran mal᷊annu-l᷊annu! Amin.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.