YOSUA 9:8 - WUKE SUSI WATTI'U AL᷊AL᷊USASSA

⁸ I mangitou nabbisara, “Yami mal᷊uassa mammanara al᷊awo'u manara apan irolokki Tuangnga.” “I yamiu isai? wuṛṛu wuassu wanua suapa?” aiwal᷊on Yosua si mangitou.

YOSUA 9:8 Iomraidhean Croise

2 MARARATU 10:5

Ana waugu udde tembonannu wal᷊en araratuanna wuṛṛu tembonannu soa suadio'a ringannu manga matatimmadu soa wuṛṛu manga mabawuwunna ana'i Ahab udde nangirimmu watti'a indi si Yehu, “Yami uasuṛṛubbawa si Tuanga wuṛṛu walate i Tuanga mandolokki yami. Yami tawe mamile sisai-sai maola'a ratu. Ola'e apa apan mapia tumuṛuttu aellegi Tuanga.”

TAHIUL᷊E 20:11

Amungkangngu i mangitou namu'essa manga ngaran soa wuṛṛu nanantillu watanganne, i mangitou sarangkanambone ṛinone maola'a allangngi yamiu wuṛṛu mattaṛṛuallangnga si yamiu.

YOSUA 10:6

Manga taumatan Gibeon nandohon watti'a indi si Yosua su paddasananna su Gilgal, “Arie pabbala'a yami sassane, Tuangnga! Paal᷊ihakke rumanta massumbala si yami, ana waugu anambon tantara wuassu ratun Amori su wageangngu panenteanna naammule mando'appa si yami!”

YOSUA 9:11

Manga piaṛṛange wuṛṛu anambon tumana'u wanuan kami nanaddia wal᷊unni yami inawarea maisasomba manga Tuanga, wuṛṛu mamasingkatta manungku yami masuṛṛubawa su manga Tuanga. Ana waugu udde, yami sumal᷊ande asasaṛṛionto'u naungngu manga Tuanga tadea'u ma'ola'a pa'aire ringanni yami.

YOSUA 9:23

Ana waugu inolaanni yamiu aroddi, Ruata maṛṛuumanni yamiu. Walahannu sidutu maola'a allanga, mallaṛṛappo alu wuṛṛu mamamasanna ua'e su Wal᷊en Duata'u.”

YOSUA 9:25

Orassa indi yami sulal᷊ummu taṛṛinon Tuangnga. Ola'e i yami tumuṛṛutu aellegi Tuangnga udde mapia.”

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.