YOSUA 9:4 - WUKE SUSI WATTI'U AL᷊AL᷊USASSA

⁴ Ana see i mangitou na'ire mamahia si Yosua ringannu nalluranna su keledai mangitou: manga karonga tabbe, wuṛṛu manga pato'an anggore apan nal᷊al᷊eote wuṛṛu niola'a wuassu pisi. Wuṛṛu maola'a wal᷊unna, i mangitou tumba'u nanaddia.

YOSUA 9:4 Iomraidhean Croise

PANDARIADDI 34:13

Ana waugu i Sikhem buatte nandal᷊eo awawantugu tuari mangitou i Dina, manga ana'i Yakub nangawusu si Sikhem wuṛṛu si Hemor iamangnge.

DARALO 119:83

Pisi'u naal᷊umpissa ere pato'an anggore tabbete, arawe raṛṛawen-Nu tawe ta'u abbul᷊iananna.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

MATIUS 9:17

Aroddi lai tawe taumata apan mandal᷊innu anggore wakku sulal᷊ummu pato'am pisi tabbe. Ana waugu pato'a udde sarun mapesangnga wuṛṛu mahohakka, see anggorene mabboso. Anggore bakku sarun ilal᷊inna su pato'a apan bakku lai, tadea'u itarua sidutu mapia.”

MARKUS 2:22

Aroddi lai tawe taumata mallal᷊innu anggore wakku sulal᷊ummu pato'a pisi tabbe. Ana waugu anggore wakku udde sarun mamesangnga pato'a udde. Panginsueanne itarua mangke maramme abbi. Anggore wakku ṛinone ilal᷊inna sulal᷊ummu patoa'a wakku lai!”

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

YOSUA 9:12

Manga Tuanga, pa'ellego roti wal᷊unni yami indi. Su tempo yami inawarendi, roti indi ta'e mal᷊oso. Arawe orassa indi, pa'ellege! Namarate wuṛṛu niwungante.

YOSUA 9:13

Wuṛṛu manga pato'an anggore indi ta'e wakku su tempo yami nalloṛṛo; arawe orassa indi, pa'ellege! Nahahesa'e. Laubbi yami wuṛṛu sapatun kami nahahoakka ana waugu amatanna apan marau indi.”

YOSUA 9:3

Arawe manga taumatan Gibeon wuassu walahanni Hewi naaringike inolaanni Yosua su Yerikho wuṛṛu Ai.

YOSUA 9:5

Roti apan namarate wuṛṛu niwungante. I mangitou ual᷊uṛṛen laubba apan nahahesa'a see sapatu apan tabbete wuṛṛu pia darappele.