YOSUA 9:24 - WUKE SUSI WATTI'U AL᷊AL᷊USASSA

²⁴ I mangitou sinumimbakka, “Yami nangawusu aroddi ana waugu yami naaringikka manungku Mawu Ruata apan sassubbanni Tuanga udde buatte nandolokki Musa, allang-Nge udde, nangonggola si Tuangnga ahewallu wanua indi wuṛṛu iapapate anambon tumanange su tempo i Tuanga manganu leta'a udde. I yami mangke matta'utta amungkangu i yami lai pateanna, ana waugu udde i yami na'ola'a sarangkanambone udde.

YOSUA 9:24 Iomraidhean Croise

AYUB 2:4

Arawe i Mamamono'a sinumimbakka, “Niawa wuṛṛu apapian baddangnge maareganna wuassu darotongnga. Taumata wotongnge manantillu anambon tatahuananne sawal᷊iate i tou sidutu wiakka.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YOSUA 10:2

Tumana'u Yerusalem mangke matta'utta, ana waugu Gibeon udde soa wahewalla; ahewalle uasul᷊ungngu manga soa apan pia ratune, ewe'e lai maggewal᷊anna wuassu Ai. Manga taumatane lai uddewe atumannaṛṛanne apan masingkatta mapapangalo.

YOSUA 2:11

Aroddi yamiu naaringkka manga watti'a udde, yami mangke nata'utta. Anambon taumatan kami nawul᷊i awawaṛṛanine ana waugu i yamiu. Mawu Ruatanu atonna Mawu Ruata Apan Lembon Taṛṛino su langitta wuṛṛu su runia.

YOSUA 2:9

wuṛṛu nabbisara sitarua, “I ya'u masingkatta Mawu buatte nangonggolu wanua indi si yamiu. Anambon taumata isindi matta'utti yamiu.

YOSUA 6:21

Sarangkanambone apan sulal᷊ummu soa udde, timmade dario'a, esakka wawine, nipaten hal᷊ele. Al᷊awo'u winatanga sapi, domba wuṛṛu keledai lai nipate.

YOSUA 9:9

I mangitou sinumimbakka, “Yami nirumanta wuassu wanua apan marau atonna, Tuanga, ana waugu yami naaringikka su ola'u Mawu Ruata apan sasubbannu manga Tuanga. Yami naaringikka anambon inolaanne su Mesir,