YOSUA 7:26 - WUKE SUSI WATTI'U AL᷊AL᷊USASSA

²⁶ Ana see tampa udde niomboanni mangitoun batu, wuṛṛu na'oman sara allo indi ta'e poiaroddi. Ana waugu udde tampa udde isassago Wawal᷊annu Asasusa. Ne nompo'e asasa'u Mawu.

YOSUA 7:26 Iomraidhean Croise

2 SAMUEL 18:17

Wua'udde winal᷊unanni Absalom nipasanna wuṛṛu niramme sulal᷊ummu paṛṛihi su mahurangnge udde. Paṛṛihi udde niomboanni mangitoun batu na'oman sara matanggakka. Anambon tantaran Israel tinumal᷊angngu watanganne sambau-sambau su wal᷊ene.

2 SAMUEL 21:14

Wua'udde manga duṛṛin Saul wuṛṛu Yonatan see lai duṛṛin siri pitu taumata udde nilabbinga sulal᷊ummu labbingi Kish iamangngi Saul su Zela su wageangngu leta'i Benyamin. Napawe sarangkanambone buatte nimanara ere su parentan ratu, Ruata naddaringikka aal᷊iomanni mangitou su ipanilla'uppa wanua udde.

2 TAWARIKH 29:10

Orassa indi i ya'u maapulu ma'ola'a paaire ringannu Mawu Ruatan Israel, tadea'u i Tou tate masa'u lai si ite.

EZRA 10:14

Wala'e manga piaṛṛa'i yami matana'a su Yerusalem wuṛṛu ma'ola'a hatto udde. Ana see suapan taumata su manga soan kami, apan pia awingnge wuassu walahannu raho, ṛinone rumanta sutempo apan buatte nitantunna, suaddio'a ringannu manga piaṛṛa'a wuṛṛu mallaṛṛuungngu soane sambau-sambau. Ringannu aroddi Ruata tate lai masa'u si ite ana waugu hatto udde.”

DARALO 85:4

I'o tate lai masa'u si mangitou; asasa'u-Nu apan wahewalla niapaweleng-Ngu apia.

SASABANGNGA 32:12

Amungkangngu I'o mamate si mangitou, taumatan Mesir sarun mabbisara manungku I'o namiaṛṛa'u walahannu udde sinumabbangnga wuassu Mesir tadea'u mamate si mangitou su panenteanna wuṛṛu i mangitou sarangkanambone masue. Ariewe aroddi, oh Mawu, wal᷊ute naung-Ngu wuṛṛu ariete manilaka walahanna udde.

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

LAL᷊ALLU 3:53

Watukku lal᷊ummu paṛṛihi apan mamara i mangitou nandamme'u ta'e wiakka wua'udde i ya'u nisoopannu watu.

HOSEA 2:15

Manga waillu anggorene sarun Ta'u iul᷊e apia si tou, wuṛṛu Wawal᷊annu Asasusa sarun Ta'u olaanna ngaran pangangantimma. Poiaroddi i tou sarum manal᷊oho si Ya'u ere sutempo i tou ta'e saṛṛen tumuwo, sutempo i tou wakkute sinumabbangnga wuassu Mesir.

HOSEA 2:17

I Ya'u sarun tate mamalan tou managgon aranni Baal apia, ma'oman sara aranna udde sarun timbul᷊ianannu taumata.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

YOEL 2:18

Wua'udde Mawu nanutukka letang-Nge, wuṛṛu niumakkannu uman-Ne.

YUNUS 1:15

Wua'udde i mangitou nallombotten Yunus sulal᷊ummu tahal᷊oangnga. Ne tandi'a udde nol᷊ote mandi'uṛṛu.

ZAKARIA 6:8

Wua'udde mala'ekatta udde nabbisara si ya'u, “Awal᷊o apan inai watukku Babel udde buatte napa'ompo'u asasa'u Mawu.”

REENGANNA 25:8

ana see i tou nangenggenna esakka wuṛṛu wawine udde sulal᷊ummu rasanna. Taumata ruan katou udde nipanta'u tambakka udde ne natta'alle asasusa apan lullele su Israel udde.

TAHIUL᷊E 13:17

Manga saranapa apan niawontohanna udde tawe wotongnge sahipunna maola'a darotongngu sassane, arawe ṛinone insueanna abbi. Ne asasa'un Mawu umompo'a wuṛṛu i Tou sarun mapal᷊iatta'u tatal᷊antume si yamiu. I Tou sarun mal᷊uassa naung-Nge si yamiu wuṛṛu ma'ola'a si yamiu walahanna apan bahewalla ere buatte niriandi-Ne su al᷊amonanu,

TAHIUL᷊E 13:18

sawal᷊iate i yamiu tuttuṛṛutta al᷊awo'u parenta-Ne apan ta'u niwal᷊o si yamiu allo indi, wuṛṛu tumuṛṛutta al᷊awo'a apan ipaapulu-Ne.”

YOSUA 10:27

Su tempo matannallo mattupe, wuassu parentan Yosua, manga winal᷊unanna udde sinossokka ana see niwareta sulal᷊ummu loṛṛanga apan tanginna nipaattu manga ratu udde naola'a tampa pa'imbunianna. Wua'udde manga watu wahewalla niaddo su mamoṛṛongannu loṛṛanga udde. Naddatingngu orassa indi manga watu udde ta'e isudde.

YOSUA 7:24

Wua'udde i Yosua wuṛṛu anambon ṛuangannu Israel nanametta si Akhan, wuṛṛu i tou niapidda watukku Wawal᷊annu Asasusa su sambau ringannu al᷊aṛṛanange, sapi, keledai, domba, rasanna wuṛṛu al᷊awo'u saranapa tatahuananne wuṛṛu sal᷊a'a, juba wuṛṛu wual᷊awanna apan nita'one.

YOSUA 8:29

Ratun soa udde niele su alu, wuṛṛu niwala isudde na'oman sara wawallo. Su tempo matannallo mattupe, i Yosua nandolokku taumata niapaal᷊appa winal᷊unanna udde wuṛṛu niramme su saruannu pasattangannu soa. Ana se'e tampa udde niomboannu watu manambo atonna. Manga watu udde ta'e poiaroddi na'oman sara orassa indi.