YOSUA 7:1 - WUKE SUSI WATTI'U AL᷊AL᷊USASSA

¹ Mawu buatte namarenta su walahannu Israel manungku wuassu al᷊awo'u saranapa su soan Yerikho apan ṛinone tutunganna, saran sambau imbaṛṛanga anuanna. Arawe parenta udde tawe niraringiṛṛana. Sangkatou esakka aranne i Akhan nilumawanna parenta udde, na'oman sara Mawu nasa'u su ṛuangannu Israel. (Iamangi Akhan aranne i Karmi wuṛṛu iupunge aranne i Zabdi wuassu ṛuanganni Zerah sulal᷊ummu ṛuanganni Yehuda.)

YOSUA 7:1 Iomraidhean Croise

PANDARIADDI 34:27

Napawe pamamate udde nal᷊iudda, manga ana'i Yakub waine nangaṛṛo soa udde maola'a wawal᷊issa ana waugu tuari mangitou buatte nilal᷊eo awawantuge.

2 SAMUEL 24:1

Mawu nasau apia su Israel, ana see i Daud nisal᷊ong-Nge ringannu pandumanna mandatan asasusa su walahanna udde. Mawu nabbisara si tou, “Pa'ola'e pandareengnga su Israel wuṛṛu Yehuda.”

2 MARARATU 5:24

Napawe na'omate su wuidda atatanaanni Elisa, i Gehazi nanganu roitta wuṛṛu laubba wuassu manga allangi Naaman, wua'udde sinahipunna sulal᷊ummu wal᷊en. I tou napapul᷊ete manga allanga udde,

1 TAWARIKH 21:7

Ruata tawe mal᷊uassa su pandareengnga udde, ne i Tou nakkuumannu taumatan Israel.

2 TAWARIKH 24:18

Ne tumanangnge tate lai mattaṛṛamawu su Wal᷊en Mawu, Ruatan al᷊amonan mangitou, arawe massubbate monganna wuṛṛu paal᷊uannu Asyera. Rosan mangitou udde naasa'u Mawu su tumana'u Yehuda wuṛṛu Yerusalem.

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

AYUB 35:8

Tumba'u sansul᷊ungngu apan niarugiannu manga rosanu. I tou lai apan mauntungnga ana waugu apapianu.

MANNANASE 9:18

Asingkatta lembon mahuna wuassu lutangnga, arawe sukkatta santiti'a maarusa susu sangkurinna.

DANIEL 9:7

Oh Mawu, manara-Nu sidutu naṛṛino wuṛṛu matul᷊idda, arawe i yami sidutu mandantan asasili su watangani yami, eteudde i yami sarangkanambone apan uatana'a su Yudea wuṛṛu su Yerusalem wuṛṛu anambon taumata sambalahanni yami apan buatte nisal᷊iawukku Mawu watukku manga wanua apan marau wuṛṛu marani ana waugu i mangitou tate matuṛṛutta su Mawu.

IMAMATTA 10:6

Ana see i Musa nabbisara si Harun wuṛṛu manga anangnge waine, eteudde i Eleazar wuṛṛu i Itamar, “Arie pabbala'a utangngu tawe aṛṛoanna, wuṛṛu arie panggesa'a laungngu apan mapal᷊iatta'a manungku iraddua massusa wuṛṛu lullal᷊o. Amungkangngu iradua ma'ola'a aroddi, iradua sarun mate, wuṛṛu anambon ṛuangannu Israel asa'uannu Mawu. Arawe anambon taumatan Israel waine wotongnge lumal᷊on duang katou apan nate ana waugu putungnga wuassu Mawu.

YUNUS 1:7

Napawe i Yunus wuṛṛu apitenna udde niumawitte rosone, manga mamanaran apalla udde nabbisara ṛundussa i mangitou, “Wette, i ite mandamen undi tadea'u i ite masingkatta isai apan massal᷊a na'oman sara i ite niaṛṛiaannu asasilaka indi!” I mangitou nandammeten undi, wuṛṛu aranni Yunus apan niaṛṛinoanne.

YOSUA 22:16

Ana see ringannu arannu anambon al᷊aṛṛana'u Mawu, i mangitou nabbisara su manga taumata wuassu ṛuanganni Ruben, i Gad wuṛṛu ṛuanganni Manasye udde, “Anio i yamiu na'ola'a inolaanna apan lal᷊eo indi su saruannu Mawu Ruatan Israel? Ringannu napararisikku mezbanu sassane, i yamiu nilumawangnga Mawu! I yamiu tate tumuṛṛutta manga parenta-Ne!

YOSUA 22:18

Wuṛṛu orassa indi apa i yamiu maapulu tumal᷊iudda Mawu lai? Amungkangngu allo indi yamiu lumawangnga Mawu, tiṛṛabbi i Tou sarun masa'u anambon walahannu Israel.

YOSUA 22:20

Naungete, i Akhan ana'i Zerah madiri tumuṛṛutta parenta Mawu su ola'u manga saranapa apan ṛinone tutunganna, wuṛṛu apa sombangnge? Anambon ṛuangannu Israel niṛṛuumanna! Sumbal᷊i na'ola'a rosa tumba'u i Akhan, arawe wal᷊ine tumba'u i tou sassane nate!”