YOSUA 6:5 - WUKE SUSI WATTI'U AL᷊AL᷊USASSA

⁵ Wua'udde manga imam mattiuppa trompene ringannu tingikke apan mal᷊o'enga. Aroddi yamiu naaringikka tingikke apan mal᷊o'engnga udde, tantara sarangkanambone ṛinone maggio ringannu ruddallu'a, ne darandungu soa udde sarun maṛṛa'a. Ana see i yamiu sarangkanambone lapiddu sumutta su soa udde.”

YOSUA 6:5 Iomraidhean Croise

SASABANGNGA 19:19

Tingikku trompeta mallannu ma'ikkata. I Musa nabbisara, wuṛṛu Ruata sinumimbakka ringannu rallu'a.

YESAYA 25:12

Manga tanda batu su Moab ringannu manga darandungnge apan matanggakka sarun iṛṛa'a-Ne wuṛṛu iramme-Ne su leta'a ma'oman sara mapussa'a ere awu.

YESAYA 30:25

Su allo manga tanda batu seennu nipangaloanna wuṛṛu manga taumatane nipate, suapan bowone wuṛṛu wuidda sarun mapa'elekku eṛṛesannu sal᷊ukka.

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

IBRANI 11:30

Ana waugu mangngimanna, manga taumatan Israel napaaṛṛa'a manga darandungu Yerikho napawe i mangitou namal᷊iwutta sulal᷊ummu pitu allo al᷊annune.

YOSUA 6:16

Su appitune namal᷊iwutta, aroddi manga imam nattiuppa trompeta, i Yosua namarenta anambon tantara iapahahio. I Yosua nabbisara, “Mawu buatte nanantilu soa indi si yamiu!

YOSUA 6:20

Ana see manga imam nattiuppa trompene. Wuṛṛu aroddi manga taumatan Israel naaringikka tingikku trompeta udde, i mangitou hinumio ma'ikka-ikkata, ana see darandungu soan Yerikho naṛṛa'a. Anambon tantaran Israel lapiddu niumawitta, wuṛṛu sinumutta su soa udde ana see nangaṛṛote.

YOSUA 6:4

Siri pitu imam, sangkatou-sangkatou uaapiddu trompeta, ṛinone u'amatta su saruannu Wantallu Pa'aire. Su allo appitune, i'o wuṛṛu tantaranu ṛinone mamal᷊iwutta soa udde paapitu tantal᷊anna manga imam mattiuppa trompeta.

YOSUA 6:6

Ne i Yosua namago manga imam, wuṛṛu nabbisara, “Pasante Wantalu Pa'aire udde; siri pitu su wallati yamiu ṛinone umamatta su saruanne wuṛṛu uaapiddu trompeta.”

MAL᷊AṚṚUUNGNGA 20:37

Manga taumata apan uaimbuni udde mal᷊iha-l᷊ihakka sinumutta namangalo Gibea; i mangitou nassal᷊iawukka su al᷊awo'u tampa sulal᷊ummu soa wuṛṛu namate anambon taumata isudde.

1 SAMUEL 17:20

Tiṛṛabbine marua allo, i Daud napu'ote ana see nandiahite. Manga dombane tinantangnga su sangkatou mandariaga, wua'udde i tou nanganute winabbawane ana see niumamatte, ere lai buatte nirolokku iamangnge. I tou na'omate su paddasananna sutempo taumatan Israel inaite watukku tampa papangaloanna lapiddu hugio aintulin pangalo.

1 SAMUEL 17:52

Manga taumatan Israel wuṛṛu Yehuda uui lulluassa wuṛṛu nangenggenna manga taumatan Filistin naddatingngu Gat wuṛṛu ngara pasallanganna su Ekron. Manga taumatan Filistin apan nal᷊essa uatal᷊alladda su al᷊o'engngu lal᷊anna watukku Saaraim.

1 SAMUEL 4:5

Napawe Wantallu Pa'aire na'omate su paddasananna, taumatan Israel hinumiote ringannu mangngintuli ma'ikkatta, na'oman sara apendamanna runia niumio'a.