YOSUA 6:4 - WUKE SUSI WATTI'U AL᷊AL᷊USASSA

⁴ Siri pitu imam, sangkatou-sangkatou uaapiddu trompeta, ṛinone u'amatta su saruannu Wantallu Pa'aire. Su allo appitune, i'o wuṛṛu tantaranu ṛinone mamal᷊iwutta soa udde paapitu tantal᷊anna manga imam mattiuppa trompeta.

YOSUA 6:4 Iomraidhean Croise

PANDARIADDI 2:3

Ne i Tou nangal᷊amatta allo appitune udde, wuṛṛu niolang-Nge sambau allo apan ahewal᷊anne, ana waugu su allo udde Ruata nangillol᷊o napawe i Tou buatte nanginsue manara.

1 MARARATU 18:43

Su mangangimbene i tou nabbisara, “Saate su puidde wuṛṛu pa'ellege watukku tahal᷊oangnga.” Allangnga udde sinuma'a, see nabbelengnga wuṛṛu nabbisara, “I ya'u tawe naasilo manga apa.” Na'oman sara paapitu i Elia nandolokku allangnga wua suma'a see lumintukka iapa'ellega.

2 MARARATU 5:10

I Elisa nandolokku sangkatou allanga iapawisara arendi si Naaman, “Roote i Tuanga pandeno paapitu su Sal᷊ukku Yordan, ne i Tuanga sarun mapiate atonna.”

2 MARARATU 5:14

Ana waugu udde i Naaman inaite watukku Sal᷊ukku Yordan, ana see tinumumpa wuṛṛu nallakkummu watanganne sulal᷊ummu sal᷊ukka udde paapitu ere buatte nirolokki Elisa. Ne i Naaman napiate. Waddange tate raddange ere waddangu taumata saṛentumuwo.

2 TAWARIKH 13:12

Piaṛṛa'i yami eteudde Ruata sassane wuṛṛu manga imammu Mawu lai isindi. I mangitou uasaddiate mattiuppa trompeta maola'a sambau tatiala si yami inaite mamangalo si yamiu. Ei taumatan Israel, ariete lumawangnga Mawu, Ruatan al᷊amonanu! I yamiu tawe maauntungnga!”

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”

2 TAWARIKH 20:19

Ana see manga taumatan Lewi wuassu ṛuanganni Kehat wuṛṛu Korah dirumarisikka, wuṛṛu nilumala'a naddalo Mawu Ruatan Israel.

2 TAWARIKH 20:21

Napawe buatte nabbaidda ringannu tumanangnge, ratu nandolokku mangangantari malluṛṛen laubba uasul᷊ungnga apan wiasane tumba'u ilalluṛṛe su lal᷊aghu pangangagama. Mangangantari udde ṛinone uawarissa ringannu maṛṛamaga su saruannu warisannu tantara lapiddu mangngantari, “Paddalote Mawu! Darangngu-Ne tawe panguddusanne!”

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

IMAMATTA 14:16

Napawe i tou buatte nangammon tal᷊imaddo aikatanne sulal᷊ummu lana, wuṛṛu nangalassa paapitu sulal᷊ummu Rasannu Mawu.

IMAMATTA 4:6

Ana see i tou mangammo tal᷊imaddone sulal᷊ummu daṛṛa udde wuṛṛu iwokka paapitu su saruannu pampele apan uawallata Wabbo'a Susi.

ZAKARIA 4:2

“Apa apan niasiloannu?” aiwal᷊one. “Sambau leddan sol᷊o wuassu wul᷊awanna,” sasimba'u. “Su pentakke al᷊iu rosone pia tampan lanane, wuṛṛu uapal᷊iwutta pia pitu sol᷊o, apan sambau-sambau uatahuanna pitu tampan nanal᷊i ara'e sumbune.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

REENGANNA 23:1

Unni Bileam si Balak, “Pararisira'e su tampa indi si ya'u pitu mezbah, wuṛṛu saddiaite su tampa indi pitu sapi esakka wuṛṛu pitu domba esakka.”

YOSUA 6:3

I'o wuṛṛu tantaranu ṛinone mabbarissa mamal᷊iwutta soa udde paassa allo massallo al᷊annune annumu allo.

YOSUA 6:5

Wua'udde manga imam mattiuppa trompene ringannu tingikke apan mal᷊o'enga. Aroddi yamiu naaringikka tingikke apan mal᷊o'engnga udde, tantara sarangkanambone ṛinone maggio ringannu ruddallu'a, ne darandungu soa udde sarun maṛṛa'a. Ana see i yamiu sarangkanambone lapiddu sumutta su soa udde.”

SONDAPPA 1:20

Ete indi addapinga wuassu anumpitanna pitu apan niasiloannu su lima uanang-Ku, wuṛṛu wuassu pitu leddan sol᷊o wul᷊awanna udde: Anumpitanna pitu udde eteudde manga mala'ekatta su pitu jamaatta, wuṛṛu pitu leddan sol᷊o udde eteudde pitu jamaatta udde.”

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 10:3

See i tou inumui ringannu tingikka ma'ikkatta naal᷊ihidda tingikku manga singa. Napawe mala'ekatta udde suete niumui, pitu rallu'a sinumibakka ringannu tingikka mappose.

SONDAPPA 15:1

Wua'udde i ya'u naasilo su langitta sambau apan maatiangnga wuṛṛu tawe sul᷊ungnge. Pia sire pitu mala'ekatta wuṛṛu pitu asasusa apan panginsueanne. Ete indi panginsueanne Ruata mappaarantan asasa'u-Ne.

SONDAPPA 15:7

Wua'udde sambau wuassu wallatu riadianna appata udde nangonggola su sire pitu mala'ekatta udde pitum bau cawanna wul᷊awanna apan napenen asasa'un Ruata, – Ruata apan wiakka saran mal᷊annu-l᷊annu.

SONDAPPA 16:1

Ana see i ya'u naaringikka tingikka wahewalla wuassu lal᷊ummu Wal᷊en Ruata nabbisara su sire pitu mala'ekatta udde, “Roote wuṛṛu lal᷊ina'e lal᷊oṛṛon pitu cawanna asasa'u Ruata udde su wowon runia!”

SONDAPPA 5:1

Wua'udde i ya'u naasilo sambau lul᷊unnu wuke su liman i Tou apan ua'ianna su adderan araratuanna udde. Wuke udde napenem woṛṛetta su ruam baane wuṛṛu nireetannu pitum bau segele.

SONDAPPA 5:6

Wua'udde i ya'u naasilo sambau Ana'u Domba apan uarisikka supattangngannu adderan araratuanna udde, papal᷊iwutannu sire appata riadianna wuṛṛu anambon piaṛṛange. Ana'u Domba udde aellehanna naal᷊ihida ere suete nipototta. I tou pia pitu tatandu'a wuṛṛu pitu mata; eteudde pitu Ghaṛṛahon Ruata apan suete nirolokka su ahewallu runia.

SONDAPPA 8:2

See i ya'u naasilo sire pitu mala'ekatta uarisikka su saruannu Ruata, wuṛṛu i mangitou nionggol᷊annu pitum bua trompeta.

SONDAPPA 8:6

Napawe wua'udde, sire pitu mala'ekatta apan uaaggasa trompeta udde uasasaddiate mattiuppa.