YOSUA 6:22 - WUKE SUSI WATTI'U AL᷊AL᷊USASSA

²² Su ruan katou apan buatte naola'a matataṛṛaso'o, i Yosua nabbisara, “Roote su wal᷊en bawine masandaga udde, wuṛṛu apira'e i tou sumabbanga suadio'a ringannu amonanne ere buatte pina'iren kamiu si tou.”

YOSUA 6:22 Iomraidhean Croise

2 SAMUEL 21:2

(Manga taumatan Gibeon wal᷊ine taumatan Israel; i mangitou nasutta ammul᷊anna addio'a wuassu taumatan Amon. Manga taumatan Israel buatte naddiandi sarun mallu'adda si mangitou, arawe i Saul buatte naddea'a namate si mangitou ana waugu i tou maṛṛingiddu hausannu taumatan Israel wuṛṛu Yehuda.) Ana see i Daud namaggo manga taumatan Gibeon udde,

2 SAMUEL 21:7

Arawe ana waugu i Daud wuṛṛu i Yonatan buatte nassalu sangkatou ringannu sangkatou, i Daud tawe nanantilli Mefiboset ana'i Yonatan.

DARALO 15:4

apan mangngadio'a taumata apan nito'en Duata, arawe mangngadata taumata apan matta'uttu Ruata; apan mannipussa paaire, salaiwe i tou narugi

YEHEZKIEL 17:13

See i tou namile sangkatou wuassu amonannu ratun Yehuda udde, na'ola'a pa'aire ringanni tou, wuṛṛu i tou nirolokka massalu tadea'u sidutu satia si tou. Ratun Babel udde nanametta manga taumata wahahewalla,

YEHEZKIEL 17:16

Ana waugu i Ya'u, Ruata apan biakka, Mawu Apan Atanggaṛṛanne, ratun Yehuda sarun mate su Babel, ana waugu i tou buatte nassinaaddu sasalune wuṛṛu nilumawangnga paairene ringannu ratun Babel apan buatte niapa'aianni tou su adderan araratuanna.

IBRANI 11:31

Ana waugu mangngimanna lai, ne i Rahab, wawine masandaga udde, tawe niapate suadio'a ringannu manga taumata apan lullawangnga Ruata; ana waugu i tou nanal᷊oho ringannu masaṛṛionto'a manga mallal᷊ingen taumatan Israel.

YOSUA 6:17

Ahewallu soa ma'oman sara lal᷊oṛṛone ṛinone ṛimunsaanna tawe lambene maola'a sambau sasamba su Mawu. Tumba'u i Rahab wawine masandaga udde wuṛṛu lal᷊oṛṛon bal᷊ene niwala wiakka, ana waugu i tou buatte nantul᷊ungngu matataṛṛaso'on kite.

YOSUA 6:23

Ne ruan katou matataṛṛaso'o udde inaite, wuṛṛu nangapiddi Rahab wuṛṛu hagurangnge, see lai tuṛṛa-tuṛṛange wuṛṛu ṛuangannu amonanne apan baine. Anambon amonanni Rahab udde wuṛṛu manga allange niapidda su liudde su tampa apan mal᷊annaba marani paddasanannu Israel.

YOSUA 9:15

I Yosua na'ola'e paddariandi pagahahawe ringannu manga taumatan Gibeon udde, wuṛṛu na'ire manungku tawe mamate si mangitou. Manga piaṛṛa'u Israel lai nassalu manipussa pa'aire udde.

MAL᷊AṚṚUUNGNGA 1:25

Ne taumata udde namantingidda si mangitou lal᷊anna sasuttanna watukku soa udde. Ana see manga taumatan Efraim wuṛṛu Manasye sinumutta su soa udde ana see namate anambon tumanangnge, nallambe ete taumata udde wuṛṛu manga tuṛangnge.