YOSUA 6:21 - WUKE SUSI WATTI'U AL᷊AL᷊USASSA

²¹ Sarangkanambone apan sulal᷊ummu soa udde, timmade dario'a, esakka wawine, nipaten hal᷊ele. Al᷊awo'u winatanga sapi, domba wuṛṛu keledai lai nipate.

YOSUA 6:21 Iomraidhean Croise

1 MARARATU 20:42

Nabi udde nabbisarate ratu, “Eteindi apan niwisaran Mawu: ‘Taumata apan Ta'u niparentanna tadea'u pateanna buatte niwalanu naal᷊assangnga. Ana waugu udde i'o ṛinone mate maola'a hahantine. Tantaranu sarun maṛṛimunsa'a ana waugu buatte namalan tantaran seetta tinumal᷊angngu watanganne.’ ”

YEREMIA 48:18

Ei tumana'u Dibon, sossokke wuassu manga tampanu apan mawantuga; a'iante su leta'a wuṛṛu su wowon awu. Ana waugu apan manggohohakku Moab wanuanu na'omate, wuṛṛu sarun makkimunsa'a anambon tanda batunu.

TAHIUL᷊E 13:16

Anambon darotongngu tumana'u soa udde ṛinone ihemonna wuṛṛu iombo su leta'a mal᷊alangnga, ana see soa wuṛṛu darotongnge ṛinone tutunganna maola'a sasamba su Mawu Ruatanu. Wua'udde sarangkanambone udde ṛinone itantangnga maola'a tuidda wuṛṛu imbaṛṛangnga olaanna apia.

TAHIUL᷊E 2:34

Su tempo udde lai i ite nangaṛṛo wuṛṛu naṛṛimunsa'a anambon soa, wuṛṛu namate anambon tumanangnge, esakka, wawine wuṛṛu al᷊aṛṛana'a. Taweddu niwala ta'e wiakka.

TAHIUL᷊E 7:16

Suapan balahanna apan itantillu Mawu Ruatanu sulal᷊ummu taṛṛinonu ṛinone pateanna; arie umakkanni mangitou. Imbaṛṛangnga massubba manga Mawu mangitou, ana waugu pallal᷊aghu udde mandantan asasilaka si yamiu.

YOSUA 10:28

Allo udde Yosua namangalo Makeda, wuṛṛu namaddon soa udde ringannu ratune. Anambon tumana'u soa udde nipatene; tawe saran sangkatou niwala wiakka. I Yosua namarikka ratun Makeda ere lai tou namarikka ratun Yerikho.

YOSUA 10:39

Soa udde wuṛṛu ratune see lai anambon soa waine maranine isudde niaṛṛon Yosua. Anambon taumata isudde nipate. Yosua namarikka Debir wuṛṛu ratune ere lai i tou namarikka Hebron wuṛṛu Libna wuṛṛu ratune.

YOSUA 11:14

Anambon tumana'u manga soa udde nipate; tawe saran sangkatou apan niwala wiakka. Arawe anambon manga saranapane apan maarega wuṛṛu winatangnga papadul᷊iananne nianun taumatan Israel maola'a pussa'a mangitou.

YOSUA 8:2

Ai wuṛṛu ratune ṛinone olaanna ere lai i'o na'ola'a Yerikho wuṛṛu ratune rorone. Arawe paassa indi manga saranapane wuṛṛu manga winatange wotongnge anuanni yamiu maola'a pussa'anu. Pandiahite inai mamangalo soa udde ringannu paṛṛindu'anna wuassu liudde.”

YOSUA 9:3

Arawe manga taumatan Gibeon wuassu walahanni Hewi naaringike inolaanni Yosua su Yerikho wuṛṛu Ai.

SONDAPPA 18:21

Napawe wua'udde, sangkatou mala'ekatta apan matohassa namengketa sambau watu – ere ahewallu watung gahilinganna apan wahewalla – see tinuntunga watukku tahal᷊oangnga lapiddu nabbisara, “Arendi olangnge soam Babel apan tinumelengke udde sarun iramme ringannu ma'ikkatta ma'oman sara tate asombanganna apia.

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

1 SAMUEL 15:8

Anambon tumana'u soa wuṛṛu tantaran Amalek nipaten Saul. Arawe i Agag ratun taumatan Amalek nisametta wuṛṛu niwala ta'e wiakka ṛatanganni Saul wuṛṛu tantarane, aroddi lai domba wuṛṛu sapi apan apianne, ana'u sapi wuṛṛu ana'u domba apan atawanne, wuṛṛu al᷊awo'u saranapa apan maarega; tumba'u winatangnga apan tawe gunane wuṛṛu tawe aregane apan nasue nipate.