YOSUA 6:19 - WUKE SUSI WATTI'U AL᷊AL᷊USASSA

¹⁹ Anambon saranapa sal᷊a'a, wul᷊awanna, witu'a wuṛṛu atta'a ṛinone iṛṛae ionggola su Mawu, wuṛṛu iaddo su tampa pangangadoannu pussa'a Mawu.”

YOSUA 6:19 Iomraidhean Croise

2 SAMUEL 8:11

I Ratu Daud nangonggollu anambon aonggolla su Mawu apan ipaatta sulal᷊ummu darohan patataṛṛamawu. Aroddi lai niolangnge su manga saranapa wul᷊awanna wuṛṛu sal᷊a'a apan buatte niaṛṛone wuassi Hadadezer wuṛṛu manga walahanna apan niawaddone, eteudde walahannu Edom, Amon, Filistin wuṛṛu Amalek.

1 MARARATU 14:26

I tou nangaṛṛo anambon saranapa maarega apan uaraddo su Wal᷊en Mawu wuṛṛu su wal᷊en araratuanna, wuṛṛu lai manga allungnga wul᷊awanna apan iola'i Salomo.

1 MARARATU 7:51

Napawe i Ratu Salomo nasuete napararisikku Wal᷊en Mawu, i tou nanahipunna sulal᷊ummu manga gudangu wal᷊en udde anambon sal᷊a'a, wul᷊awanna, wuṛṛu manga saranapa waine apan buatte nionggolli Daud iamangnge su Mawu.

2 MARARATU 24:13

Anambon saranapa wul᷊awanna apan niola'i Ratu Salomo su Wal᷊en Mawu, nihohakki Nebukadnezar. Ana see anambon saranapa maarega apan sasahipunanna su Wal᷊en Mawu wuṛṛu wal᷊en araratuanna niapidda watukku Babel. Sarangkanambone nariaddi nassul᷊ungu apa apan buatte niapasingkatu Mawu paarorone.

1 TAWARIKH 18:11

I Ratu Daud nangonggolu anambon aonggola udde su Mawu apan ipa'atta sulal᷊ummu lal᷊aghu patataṛṛamawu. Aroddi lai su manga saranapa wul᷊awanna wuṛṛu sal᷊a'a apan buatte niaṛṛon Daud si Hadadezer wuṛṛu manga walahanna apan buatte niwaddone, eteudde walahannu Edom, Moab, Amon, Filistin wuṛṛu Amalek.

1 TAWARIKH 26:20

Manga taumata waine sulal᷊ummu ṛuanganni Lewi apan tinantil᷊annu manara mallu'adda saranapa su Wal᷊en Mawu wuṛṛu gudangnga panahipunanna manga aonggola su Ruata.

1 TAWARIKH 26:26

I Selomit wuṛṛu manga tuṛṛangnge manarane mallu'adda al᷊awo'u aonggola apan nionggoli Ratu Daud, manga tembonannu alahanna, manga piaṛṛa'u amonanna, wuṛṛu piaṛṛa'u tantara ara'e perwira matangga.

1 TAWARIKH 26:27

Manga aonggola udde eteudde sambageanganna wuassu saranapa apan niaaṛṛo wuṛṛu niasombanganni mangitou sulal᷊ummu pangalo wuṛṛu apan nionggoli mangitou ipappaatta tumba'u su Wal᷊en Mawu.

1 TAWARIKH 26:28

Aunne, i Selomit wuṛṛu amonanne ual᷊u'adda al᷊awo'u saranapa apan buatte tinantilla wuṛṛu ipappaatta su Wal᷊en Mawu, nasutta lai manga aonggola wuassi Nabi Samuel buatte tinantilli Ratu Daud, i Abner ana'i Ner, wuṛṛu i Yoab ana'i Zeruya.

1 TAWARIKH 28:12

I Daud nanantillu lai anambon ṛiinna apan buatte niṛṛingidde su ipa'ola'a manga rallakka ringannu manga wabbo'a apan uapal᷊iwutta, wuṛṛu manga gudangnga panahipunanna aola'u Wal᷊en Mawu udde see lai manga gudangnga panahipunanna manga aonggola su Mawu.

2 TAWARIKH 15:18

Anambon wul᷊awanna wuṛṛu sal᷊a'a see lai manga saranapa waine niaaṛṛo su pangalo tatahuanannu iamangnge wuṛṛu i tou sassane sinahipunna su Wal᷊en Mawu maola'a pussa'an Mawu.

2 TAWARIKH 31:12

ana see nanahipunna anambon aonggola wuṛṛu sepeṛṛe mapul᷊o nitaṛṛo sulal᷊ummu wal᷊ingkakka udde. Sangkatou taumatan Lewi aranne i Konanya, nionggol᷊annu manarane mattaṛṛapa, wuṛṛu i Simei tuarine masasumbalane.

NEHEMIA 10:38

Arawe sangkatou imam papapulunni Harun ṛinone uaringanna manga taumatan Lewi udde napawe i mangitou malluṛṛu manga sasamba udde. Wuṛṛu sepere mapul᷊o wuassu anambon sasamba udde ṛinone iapiddu manga taumatan Lewi watukku wabbo'an bal᷊unna su Wal᷊en Mawu.

YEREMIA 38:11

Ne i Ebed-Melekh inaite ringannu siri tallu udde su gudangngu wal᷊en araratuanna, wuṛṛu nanganu manga mal᷊aṛṛenessa tabbe wua isudde, ana see nisossokke ringannu tal᷊i si ya'u sulal᷊ummu paṛṛihi.

IMAMATTA 19:24

Su tonna aiappane wuane sarangkanambone ionggola sasainaba tadea'u mapal᷊iatta'u aadiangkamannu si Ya'u, Mawu.

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

REENGANNA 31:11

Wua'udde manga taumatan Israel nanganu anambon apan niaṛṛo udde, nasutta manga taumata nisametta wuṛṛu winatangnga papadul᷊iananne,

REENGANNA 31:12

ana see niapidda si Musa wuṛṛu si Imam Eleazar wuṛṛu su anambon taumatan Israel. Su tempo udde i mangitou tantal᷊anna maddasanna su ratakku Moab, su wiwikku Sal᷊ukku Yordan, maranin soan Yerikho.

REENGANNA 31:22

Al᷊awo'u saranapa apan tawe matutungnga, eteudde wul᷊awanna, sal᷊a'a, witu'a, atta'a, tima mawira wuṛṛu tima ma'itumma, ṛinone iapaasusi ringannu olaanna sulal᷊ummu putungnga. Wua'udde manga saranapa udde ṛinone iapaasusi lai ringanu ua'en lal᷊aghu tadea'u tawe maarantinna lai. Anambon saranapa waine apan botongnge matutungnga iapaasusi lai ringannu ua'en lal᷊aghu pangangukassa.

MATIUS 27:6

Manga imam tembonanne namurutta roitta udde wuṛṛu nabbisara, “Roitta indi roitta ṛaṛṛa. Tumuṛṛuttu atorannu agama, roitta indi tawe wotongnge itaṛṛo sulal᷊ummu tampan aonggolla su Wal᷊e Mawu.”

MARKUS 12:41

Su tempo ua'ianna uasasaruanna tampam pondi su Wal᷊e Mawu, Mawu Yesus mannutudda manga taumata mantaṛṛon roitti mangitou sulal᷊ummu tampan roitta udde. Manambo taumata ala nantaṛṛon roitti mangitou aroddi anambone;

YOSUA 7:11

Taumatan Israel buatte na'ola'a rosa. I Ya'u buatte namarenta tadea'u i mangitou sidutu uaagasa pa'aire su wallati mangitou wuṛṛu i ya'u, arawe i mangitou nilumawanna! Manga saranapa apan ṛinone tutunganna buatte nianu mangitou. I mangitou manna'o wuṛṛu namunin saranapa udde su wallatu saranapa mangitou tadea'u tawe asingkatanna.