YOSUA 6:17 - WUKE SUSI WATTI'U AL᷊AL᷊USASSA

¹⁷ Ahewallu soa ma'oman sara lal᷊oṛṛone ṛinone ṛimunsaanna tawe lambene maola'a sambau sasamba su Mawu. Tumba'u i Rahab wawine masandaga udde wuṛṛu lal᷊oṛṛon bal᷊ene niwala wiakka, ana waugu i tou buatte nantul᷊ungngu matataṛṛaso'on kite.

YOSUA 6:17 Iomraidhean Croise

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

EZRA 10:8

Isai-sai apan tawe nirumanta sulal᷊ummu tallu allo, sarun anuanna anambon darotongnge wuṛṛu i tou tate lai iwal᷊i su reengannu tumanangnge. Wasiat udde niwartandannu manga piaṛṛa'u tumana'a.

YESAYA 34:6

Hal᷊ele Mawu sarun, mappeta'u daṛṛa wuṛṛu mapenen tawa mangitou, naal᷊ihidda ere ringannu daṛṛa wuṛṛu tawan binatangngu sasamba. Ana waugu Mawu nanaddia sasamba su Bozra, wuṛṛu na'ola'a pamamototta marasai su leta'u Edom.

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YEHEZKIEL 39:17

Mawu Apan Atanggaṛṛanne nabbisara si ya'u, “Ei taumata apan mattate, waggoite anambon manu'u winalanganna wuṛṛu winatangnga waine tadea'u rumanta wuassu al᷊awo'u tampa umanna sasamba apan Ta'u nissadia ionggolla si mangitou. I Ya'u sarun ma'ola'a andeangnga wahewalla su manga wowon Israel, poiaroddi i mangitou sarun uminassa ṛemessa wuṛṛu ma'inumma daṛṛa.

IMAMATTA 27:21

Sulal᷊ummu Tonna Pamelenganna apan manansunna, wawail᷊anna udde maola'a tatahuanannu Mawu saran mal᷊annu-l᷊annu, wuṛṛu ionggola su manga imam.

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

1 KORINTUS 2:7

Apapande apan ta'u iwal᷊o udde eteudde apapande wuassu Ruata. Apapande udde awaganannu runia, arawe Ruata suete nanaddia lal᷊umanna'i ite ro'en runia indi taambe niriaddi.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

GALATIA 3:12

Arawe titan agama tawe maola'a pangaianannu pangangimanna. Sulal᷊ummu Wuke Susi uawoṛṛetta manungku taumata apan mappaamattu titan agama, sarun maralukka ana waugu tita udde.

TAHIUL᷊E 20:17

Ere buatte nirolokku Mawu Ruatanu, i yamiu ṛinone mamate manga taumatan Het, Amori, Kanaan, Feris, Hewi wuṛṛu Yebus.

IBRANI 11:31

Ana waugu mangngimanna lai, ne i Rahab, wawine masandaga udde, tawe niapate suadio'a ringannu manga taumata apan lullawangnga Ruata; ana waugu i tou nanal᷊oho ringannu masaṛṛionto'a manga mallal᷊ingen taumatan Israel.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

YAKOBUS 2:25

Pa'ellega lai si Rahab, wawine masandaga udde. I tou tinarimmattu Ruata ringannu mapia ana waugu pallal᷊agune, eteudde su tempo i tou nanarimmattu matataṛṛa so'o taumatan Israel su wal᷊ene wuṛṛu nantul᷊ungi mangitou tinumal᷊angnga su lal᷊anna waine.

YOSUA 2:1

Wua'udde wuassu paddasananna su Sitim, i Yosua nanddolokku ruan katou matataṛṛaso'o watukku Kanaan. Itarua nirolokka iapaparikissa wanua Kanaan ringannu ma'imbuni, nangillembo lai su soan Yerikho. Ne inaite itarua watukku soa, wuṛṛu nanaṛṛabbi su wal᷊en sangkatou wawine masandaga, aranne i Rahab.

YOSUA 2:22

Ne inaite ruan katou matataṛṛaso'o udde watukku panenteanna wuṛṛu na'imbuni poiaroddi. Tallu allo al᷊annune manga daroloṛṛannu ratu maddea'a sitarua su al᷊awo'u tampa su ahewallu leta'a udde, arawe tawe naasomba sitarua. Panginsueanne manga daroloṛṛanna udde napul᷊ete watukku Yerikho.

YOSUA 7:1

Mawu buatte namarenta su walahannu Israel manungku wuassu al᷊awo'u saranapa su soan Yerikho apan ṛinone tutunganna, saran sambau imbaṛṛanga anuanna. Arawe parenta udde tawe niraringiṛṛana. Sangkatou esakka aranne i Akhan nilumawanna parenta udde, na'oman sara Mawu nasa'u su ṛuangannu Israel. (Iamangi Akhan aranne i Karmi wuṛṛu iupunge aranne i Zabdi wuassu ṛuanganni Zerah sulal᷊ummu ṛuanganni Yehuda.)

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

1 SAMUEL 15:6

I tou lai nannanata iapanaungnga su taumatan Keni wisarane, “Roote wuṛṛu tantanga'e taumatan Amalek, tadea'u i yamiu tawe ta'u ṛaddaanna suadio'a ringanni mangitou, ana waugu dorone al᷊amonanu buatte namasilon pagahahawe su taumatan Israel sutempo taumatan Israel nirumanta wuassu Mesir.” Ne taumatan Keni nangingkatte wua isudde.