YOSUA 5:3 - WUKE SUSI WATTI'U AL᷊AL᷊USASSA

³ Ne i Yosua tinumuṛṛutte parenta Mawu, wuṛṛu nanunatte manga taumatan Israel su tampa apan isassago Wuidda Panunatanna.

YOSUA 5:3 Iomraidhean Croise

SASABANGNGA 4:25

I Zipora, awingnge, nanganu sambau watu maṛṛoro wuṛṛu namototta pentakku pamamanuan anangnge, ana see nieṛṛetta su ledda Musa. Unni Zipora, “I'o awing daṛṛa'u.”

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

YOSUA 5:2

Su tempo udde Mawu nabbisara si Yosua, “Pa'ola'e lari'a wuassu watu, ana see pa'ola'e lal᷊aghu pananunatta su manga taumatan Israel.”

YOSUA 5:4

Su tempo manga taumatan Israel sinumabbanga wuassu Mesir, anambon taumata esakka buatte nisunatta. Arawe su tempo i mangitou mammal᷊intadda su wadda'u anne appatu pul᷊o su tonnane al᷊annune, al᷊aṛṛana'i mangitou esakkatawe saran sangkatou apan buatte nisunatta. Wuṛṛu su panguddusannu tempo appatu pul᷊o su tonnane udde, manga esakka apan su tempo sinumabbanga wuassu Mesir apan nia'omante uukke sumutta tantara, sarangkanambone natete, ana waugu tawe tinumuṛṛuta parenta Mawu. Ne Mawu nassalu manungku i mangitou tawe iwala ma'ellega wanua apan manambo wiakke wuṛṛu masuwukka udde apan buatte nipa'ire-Ne su iupungngu al᷊amona mangitou.