YOSUA 4:9 - WUKE SUSI WATTI'U AL᷊AL᷊USASSA

⁹ Su pattangngannu Yordan udde lai, i Yosua nangatokku mapul᷊o dua su waune watu mangke naṛṛino su dararisiṛṛannu manga imam apan uapasanna Wantalu Pa'aire udde. ‘Manga watu udde ta'e isudde sara orassa indi’.

YOSUA 4:9 Iomraidhean Croise

PANDARIADDI 26:33

Ana see paṛṛihi udde nissagon Ishak “Sasalu”. Uddewe al᷊amonane soa udde na'oman sara nissago Bersyeba.

PANDARIADDI 28:18

Tiṛṛabine marua allo maṛṛanggappa, i Yakub nabbuatta, ana see nanganu watu apan nipaatti tou maola'a aillul᷊unanna wuṛṛu niapararisikka naola'a watu pananaunganna. I tou nallal᷊innu lanan zaitun su wowon batu udde niola'a tumba'u ionggola su Ruata.

1 MARARATU 18:31

I tou nanganu mapul᷊o dua batu, suapan watu uaapiddu aranna suwallattu mapul᷊o dua ṛuanganna papapulunni Yakub, eteudde taumata apan buatte nionggol᷊annu Mawu aranne Israel.

2 TAWARIKH 5:9

Alu papasannane tumaniten mal᷊o'engnga, na'oman sara manga pentakke aasiloanna wuassu saruannu Wabbo'a Lembon Susi, arawe tawe aasiloanna wuassu liudde. (Naddatingngu allo indi manga alu udde ta'e isudde.)

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

SASABANGNGA 28:21

Suapan permata ṛinone uitannu su wallatu sambau aranna wuassu siri mapul᷊o dua ana'i Yakub maola'a tatialan pananaungannu manga ṛuangannu Israel.

MATIUS 27:8

Ana waugu udde na'oman sara allo indi leta'a udde nisaggo “Leta'a Ṛaṛṛa”.

MATIUS 28:15

Ne manga tantara mandariaga udde nanganute roitta, wuṛṛu na'ola'e ere suete nitanata si mangitou. Ana waugu udde watti'a indi sidutu ta'e iwabatti'a su pattangngannu taumatan Yahudi na'oman sara allo indi.

TAHIUL᷊E 34:6

Mawu nallabingngi tou su sambau wawal᷊annu Moab su samba'an soa Bet-Peor, arawe naddatingngu allo indi tawe saran sangkatou masingkattu lal᷊abinganne.

YOSUA 24:26

Anambon tita wuṛṛu manga atoranna udde niwoṛṛetti tou su lal᷊ummu Wuken Tita Mawu. Wua'udde i tou nanganu sambau watu wahewalla su tampa apan apianne su Mawu.

YOSUA 4:10

Manga imam sidutu uarisikka su pattangngannu Yordan na'oman sara manga taumata udde buatte nammanara al᷊awo'a apan nirolokku Mawu si mangitou wuassi Yosua. Udde nassul᷊ungngu lai manga tatantiro wuassi Musa si Yosua. Ringannu mal᷊ihakka ṛuangannu Israel tinumumbe Sal᷊ukku Yordan.

MAL᷊AṚṚUUNGNGA 1:26

Wua'udde i tou namengkangke watukku wanuan taumatan Het, ana see napararisikku sambau soa isudde wuṛṛu nisaggo Lus. Soa udde sidutu aranne ta'e aroddi.

1 SAMUEL 30:25

Ana see inolaanna udde niola'i Daud maola'a sambau atoranna, wuṛṛu mangke iapaamattu taumatan Israel naddatingngu orassa indi.

1 SAMUEL 7:12

Wua'udde i Samuel napararisikku sambau watu, su passarannu Mizpa wuṛṛu Sen. I tou nabbisara, “Mawu buatte nantul᷊ungngi ite sarangakanambone.” – ana see watu udde nissagone “Watun Tatul᷊ungnga.”