YOSUA 4:13 - WUKE SUSI WATTI'U AL᷊AL᷊USASSA

¹³ Sarangkanambone 40.000 su atoune esakka apan pia ahidde nasaddiate inai mapapangalo. Su saruannu Mawu i mangitou niumamatta mattudda watukku wawal᷊anne maranin Yerikho.

YOSUA 4:13 Iomraidhean Croise

2 MARARATU 25:5

Arawe tantaran Babel nangenggena si Ratu Zedekia, wuṛṛu nisametta su leta'u Yerikho. Anambon tantarane tinumal᷊anga nanantangi tou.

SASABANGNGA 13:18

Ana waugu udde Mawu nangapiddi mangitou umamattu lal᷊anna mamal᷊iwutta wadda'a lol᷊okka mattuddan Tahal᷊oangngu Gelagah. Su tempo manantangngu Mesir, manga taumatan Israel udde pia lutangnge naal᷊ihidda mappapangalo.

YEREMIA 39:5

Arawe tantaran Babel nangenggenna si mangitou wuṛṛu nanametta si Zedekia su wawal᷊annu Yerikho. Wua'udde i tou niapidda ringanni Ratu Nebukadnezar su soan Ribla su wageangngu Hamat, ana see niandangannu ṛuumanna pateanna.

YEREMIA 52:8

Arawe tantaran Babel nangenggenna si Ratu Zedekia, wuṛṛu nanametta su ratakku Yerikho. Anambon tantarane nanantangngi tou.

REENGANNA 32:17

Yami sarun mandiahite inai mapapangalo suadio'a ringannu manga tuṛṛangngi yami. Yami sarun mamiaṛṛa'u pangalo udde wuṛṛu mangapiddi mangitou sumutta su wanua apan maola'a pussa'an mangitou. Tantal᷊anna udde ana'a wuṛṛu awingngi yami wotongnge matana'a isindi, su manga soa pia darandunge, mal᷊annabba wuassu pangalon tumana'u soa indi.

EFESUS 6:11

Paata'e al᷊awo'u peddetu pangalo apan nionggolu Ruata si'o, tadea'u i yamiu wotongnge mando'appa apapande apan lal᷊eo wuassu Setanna.

TAHIUL᷊E 3:18

Tempo udde i ya'u nangonggolu parenta indi si mangitou: Mawu Ruatanu nangonggola si yamiu wageangngu leta'a su samba'a ra'in Sal᷊ukku Yordan maola'a tampaatatanaannu. Arawe manga tantaranu ṛinone pia lutangnge wuṛṛu malliu Sal᷊ukku Yordan malliu dorone manga ṛuangannu Israel waine.

YOSUA 4:12

Uasul᷊ungngu lai ere apan nirolokki Musa, manga tantara wuassu ṛuanganni Ruben, i Gad wuṛṛu mattangnga wuassu ṛuanganni Manasye, nalliuṛṛorote tinumumbe sal᷊ukka.

YOSUA 4:14

Allo udde Mawu na'ola'a manga inolaanna tadea'u walahannu Israel mangaddata si Yosua ere sangkatou taumata wahewa. Su al᷊o'engngu pabbiaṛṛanne i mangitou mangngaddata si tou erelai i mangitou mangngaddata si Musa.

YOSUA 5:10

Tantal᷊anna maddasanna su Gilgal su leta'a ratakke maranin Yerikho, ṛuangannu Israel nallaghun Paskah su allo wawallo eteudde allo appul᷊one appata wul᷊anna udde.

MAL᷊AṚṚUUNGNGA 20:1

Ne nirumantate walahannu Israel sarangkanambone wuassu Dan su samba'an sawannakka naddatingngu Bersyeba su timukka, wuṛṛu Gilead su ra'i, su ipangitu'a wawago udde. I mangitou na'ammula wuṛṛu naaukka su Mizpa su saruannu Mawu.