YOSUA 3:3 - WUKE SUSI WATTI'U AL᷊AL᷊USASSA

³ wuṛṛu nangonggolu parenta indi su ṛuangannu Israel “Amungkangu i yamiu maasilo imam uapasanna Wantalu Pa'aire Mawu Ruatanu, ṛinone i yamiu lai inai manantangu tampa paddasananna indi. Tantalongke Wantala udde,

YOSUA 3:3 Iomraidhean Croise

2 SAMUEL 6:13

Sutempo manga taumata apan uapasanna Wantallu Pa'aire udde nilumempangke paiannumma, i Daud napata'alli mangitou. Wua'udde i tou nangonggollu sasamba su Mawu, eteudde sapi esakka wuṛṛu ana'u sapi apan buatte niapaatawa.

2 SAMUEL 6:3

Wantallu Pa'aire udde nial᷊appa wuassu wal᷊en Abinadab su wowon buidda wuṛṛu niluranna sulal᷊ummu roda apan wakku. Ana see i Uza wuṛṛu i Ahio, manga ana'i Aminadab uatantalongnga roda udde; i Uza u'amatta su sandiṛṛanne,

1 MARARATU 8:3

Napawe anambon piaṛṛa'a naammulle, manga imam namasanna Wantallu Paaire udde,

YEREMIA 33:18

sidutu sarun pia manga imam wuassu ṛuanganni Lewi apan mangngimbe si Ya'u wuṛṛu mangngonggollu sasamba winatangnga, gandumma wuṛṛu sasamba itattambunna.”

REENGANNA 10:33

Napawe walahannu Israel nanantangken Sinai, wowone atatanaannu Mawu, i mangitou niumamatta tallu allo al᷊annune. Wantallu P'aaire Mawu sidutu ia'apidda malliu roro si mangitou ipaddea'a tampa paddasananni mangitou.

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 8:19

See sangkatou hurun agama nirumanta ringanni Tou wuṛṛu nabbisara, “Iamangnga Huru, i ya'u ma'apulu tumantalongnga Iamangnga suapan tampa Iamangnga umamatta!”

TAHIUL᷊E 31:25

Napawe nasuete, i tou nabbisara su manga imam Lewi apan niapamanara mallu'adda Wantallu Pa'aire,

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

YOSUA 3:4

arawe imbaṛṛangnga umamatta tumaniten maranin Wantala udde; tantalongke wuassu liudde ringannu wallanne sangkilo araune. Ringannu aroddi yamiu sarun maasingkata lal᷊anna apan ṛinone amatanni yamiu, ana waugu i yamiu taambe wuasu wanua indi.”

YOSUA 3:6

Ana see i Yosua nandolokku manga imam tadea'u mamasanna Wantalu Pa'aire udde ana see inaite inumamatta malliu ṛoro ṛuangannu Israel. Ne i mangitou tinumuṛṛute parentan Yosua.

YOSUA 3:8

Orassa indi doloṛṛeṛṛa'e manga imam apan uapasanna Wantalu Pa'aire udde tadea'u napawe i mangitou na'omate su sal᷊ukka, i mangitou sinumossokke su ua'en sal᷊ukka udde wuṛṛu dirumarisikka su winggine.”

YOSUA 4:10

Manga imam sidutu uarisikka su pattangngannu Yordan na'oman sara manga taumata udde buatte nammanara al᷊awo'a apan nirolokku Mawu si mangitou wuassi Yosua. Udde nassul᷊ungngu lai manga tatantiro wuassi Musa si Yosua. Ringannu mal᷊ihakka ṛuangannu Israel tinumumbe Sal᷊ukku Yordan.

YOSUA 6:6

Ne i Yosua namago manga imam, wuṛṛu nabbisara, “Pasante Wantalu Pa'aire udde; siri pitu su wallati yamiu ṛinone umamatta su saruanne wuṛṛu uaapiddu trompeta.”

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.

1 SAMUEL 6:15

Wua'udde manga taumatan Lewi nanossokku Wantallu Paairen Mawu wuassu tampane apan lal᷊oṛṛoannu wul᷊awanna udde, ana see niaddo su wowon batu wahewalla. Wua'udde tumana'u soa Bet-Semes nangonggollu sasamba itattambunna wuṛṛu manga sasamba waine su Mawu.