YOSUA 3:16 - WUKE SUSI WATTI'U AL᷊AL᷊USASSA

^16-17 orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.

YOSUA 3:16 Iomraidhean Croise

PANDARIADDI 14:3

Siri lima ratu udde nabbaidda wuṛṛu nangammullu tantara mangitou su Wawal᷊annu Sidim, apan orassa indi isassago Tahal᷊oangnga Nate.

1 MARARATU 7:46

Ratu nandolokka nipaola'a manga saranapa udde su pamamosoannu logamma suwallattu Sukot wuṛṛu Sartan su Wawal᷊annu Yordan.

DARALO 114:3

Tahal᷊oangngu Gelagah naasilo si Tou ana see tinumal᷊angnga, Sal᷊ukku Yordan nattaalla mangngelekka.

DARALO 114:5

Pia apa, ei tahal᷊oanga, na'oman sara i'o tinumal᷊anga, wuṛṛu Sal᷊ukku Yordan nattaalla nangelekka?

DARALO 29:10

Mawu uataṛṛino su manawangnga wahewalla, I Tou uaparenta naola'a Ratu saran mal᷊annu-l᷊annu.

DARALO 33:7

Anambon ua'en tahal᷊oangnga niammuli Tou su sambau tampa, laudda mal᷊alangnga nitaṛṛangan-Ne ere pinassaranna.

DARALO 66:6

Tahal᷊oanga niwal᷊u-Ne nabbal᷊i leta'a mamara, al᷊amonan kami nilumewessa ringannu u'amattu ledda. Ne i yami lulluassa ana waugu inolaan-Ne.

DARALO 74:15

I'o napa'elekku al᷊imatan kua'e wuṛṛu sal᷊ukka; sal᷊ukka apan wahewalla niapamara-Nu.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

DARALO 78:13

I Tou nama'a tahal᷊oangnga, ana see napal᷊ewessi mangitou; ua'e naipattaalla ere niṛṛappinganna.

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

SASABANGNGA 14:22

Ua'e natahia darua, wuṛṛu taumatan Israel tinumumbete tahal᷊oangnga, i mangitou u'amatta su wantane apan mamara, wuṛṛu ua'e su aikatanna wuṛṛu aiṛṛi naal᷊ihidda darandungnga.

SASABANGNGA 14:29

Arawe su tempo taumatan Israel malliu tahal᷊oangnga, i mangitou u'amatta su wantane apan mamara, wuṛṛu ua'e naola'a darandungnga su aikkatanna wuṛṛu su aiṛṛine.

SASABANGNGA 15:8

I'o nattiuppa tahal᷊oangnga, ua'e mallul᷊unna matanggakka, uarisikka matul᷊idda naal᷊ihidda darandungnga, na'oman sara wantan tahal᷊oangnga wotongnge amatanna.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YEHEZKIEL 47:8

I tou nabbisara si ya'u, “Sal᷊ukka indi mangngelekka wuassu ra'i sinumabbi wanua indi wuṛṛu sinumabbi Wawal᷊annu Sal᷊ukku Yordan mabbatukku Tahal᷊oangnga Nate. Napawe ua'ene na'omate su Tahal᷊oangnga Nate, ne ua'en tahal᷊oangnga mapakkada mabbal᷊i ua'e maammi.

NAHUM 1:4

I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

HABAKUK 3:8

Oh Mawu, ana wauge ete tahal᷊oangnga I'o nasa'u? Ete manga sal᷊ukka apan naaola'a Si'o mandona? I'o sinuma'e winabbawa naola'a awal᷊o wuṛṛu keretan pangalo, sutempo uman-Nu nionggol᷊a-Nu auntunganna.

REENGANNA 34:3

Su timukka, passaranna udde manattakka wuassu wadda'u Zin rumurukka su Edom. Su ra'i passaranna udde manattakka wuassu pentakku timukku Tahal᷊oangnga Nate,

TAHIUL᷊E 1:1

Wuke indi lal᷊oṛṛoannu manga wisara apan niapasingkati Musa su walahannu Israel su tempo i mangitou uatana'a su wadda'a su Wawal᷊annu Yordan. Wawal᷊anne udde addone su samba'an ra'in Sal᷊ukku Yordan, maranin soa Suf, suwallatu soa Paran wuṛṛu su samba'ane, wuṛṛu manga soa Tofel, Laban, Hazerot wuṛṛu Di-Zahab su samba'ane waine. (

TAHIUL᷊E 3:17

Su samba'an baṛṛatta, wageangngu leta'i mangitou uawannadda maddatingngu Sal᷊ukku Yordan, Wuassu Ranon Galilea su sawannakka maddatingngu Tahal᷊oangnga Nate su samba'an timukka, masal᷊a watukku wawal᷊annu Wowon Pisga su samba'an ra'i.

YOSUA 12:3

ana see lai naapangana wageangngu Wawal᷊annu Yordan su samba'an da'i, wuassu Ranon Galilea watukku timukka maddatingngu Bet-Yesimot (su samba'an Tahal᷊oanga Nate), masal᷊a watukku wawal᷊annu Wowon Pisga.

YOSUA 15:2

manattakka wuassu pentakku timukku Tahal᷊oangnga Nate,

YOSUA 16:7

Wua'isudde akkita udde sumossokka watukku Atarot wuṛṛu Naharat, ana see masal᷊a rumurukka Yerikho wuṛṛu masue su Sal᷊ukku Yordan.

YOSUA 3:13

Man napawe manga imam apan uapasanna Wantalu Pa'aire Mawu naṛṛindaten leddane sulal᷊ummu ua'en sal᷊ukka Yordan udde, ua'e mangngelekka sarun matta'alla; ua'e apan mangngelekka wuassu ul᷊une aṛṛapinganna su sambau tampa.”

YOSUA 4:22

pasingkataa si mangitou manungku ṛuangannu Israel tinumumbe Sal᷊ukku Yordan indi niumamatta su leta'a mamara.

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

MAL᷊AṚṚUUNGNGA 7:22

Su tempo i Gideon wuṛṛu manga taumatane tantal᷊anna mattiuppa trompeta, na'ola'a manga tantaran seetta uapapangalo rundussa i mangitou, i mangitou uapapilitte sangkatou ringannu waine. I mangitou tinumal᷊angnga watukku Zerera araune maddatingngu Bet-Sita wuṛṛu soa Abel-Mehola maranin Tabat.