YOSUA 3:1 - WUKE SUSI WATTI'U AL᷊AL᷊USASSA

¹ Su allo tiṛṛabine i Yosua wuṛṛu anambon ṛuanganni Israel napu'o marua allo atonna, ana see nanantangken tampa paddasananni mangitou su Sitim, wuṛṛu inaite watukku Sal᷊ukku Yordan. Isudde i mangitou naddasanna lapiddu maṛṛaddo tempone tumumbe.

YOSUA 3:1 Iomraidhean Croise

PANDARIADDI 21:14

Tiṛṛabbine marua allo atanna, i Abraham nangonggolu anna wuṛṛu pato'an kua'e si Hagar maola'a wal᷊unna su amatanna. I tou nangaddon ana'a udde su liuddi i Hagar, wuṛṛu nandolokku wawine udde inai. Ana see inaite i Hagar wuṛṛu namal᷊intadden wadda'u Bersyeba.

PANDARIADDI 22:3

Tiṛṛabine marua allo maṛṛanggapa, i Abraham nama'ate alun sasamba itattambunna wuṛṛu nalli'ussa alu udde su liuddu keledai. I tou inaite ringanni Ishak wuṛṛu ruan katou allangnge watukku tampa apan niapasingkattu Ruata si tou.

DARALO 119:60

I ya'u uasasaṛawutta wuṛṛu tate maṛṛaddo mappaamattu parenta-Nu.

YEREMIA 25:3

“Al᷊annune ruan pul᷊o su tonnane, ro'en tonna mapul᷊o tallu ro'en i Yosia ana'i Amon uaparenta Yehuda, naddatingngu allo indi, Mawu buatte nabbisara si ya'u wuṛṛu tate lai maabul᷊i mamasingkatta si yamiu apa apan buatte niwisara-Ne. Arawe i yamiu maddiri maddaringikka.

YEREMIA 26:5

I yamiu ṛinone lai maddaringikka apan apan niwal᷊on allang-Ku, manga nabi apan sidutu Ta'u niorolokka ringanni yamiu. Arawe i yamiu maddiri maddaringikka si mangitou.

YEREMIA 7:13

Salaiwe ete masokka i Ya'u mabbisara si yamiu, i yamiu maddiri maddaringikka. I yamiu ma'ola'a al᷊awo'u rosa udde, wuṛṛu maddiri sumimbakka napawe i Ya'u mamaggo.

MIKHA 6:5

Uma-U, naungete apa apan nihol᷊agi Balak ratun Moab si yamiu, wuṛṛu apa apan nisimbakki Bileam ana'i Beor si tou. Naungete apa apan nariaddi su amatanna suwallattu paddasananna su Sitim wuṛṛu su Gilgal. Amungkangngu i yamiu maanaungnga sarangkanambone udde, i yamiu sarun maatutukka apa apan buatte Ta'u niola'a tadea'u ipanal᷊amatta siy amiu.”

REENGANNA 25:1

Tantal᷊anna walahannu Israel uatna'a su Wawal᷊annu Sitim, manga esakki mangitou mannattake sussandaga ringannu manga wawinen Moab apan uatana'a isudde.

MARKUS 1:35

Rua'allone, su tempo ta'e maṛṛanggapa atonna, Mawu Yesus nabangunte see nanantangken bal᷊e. I Tou inaite su tampa apan mal᷊annaba su liuddu soa, wuṛṛu inumal᷊iomante poiaroddi.

YOSUA 2:1

Wua'udde wuassu paddasananna su Sitim, i Yosua nanddolokku ruan katou matataṛṛaso'o watukku Kanaan. Itarua nirolokka iapaparikissa wanua Kanaan ringannu ma'imbuni, nangillembo lai su soan Yerikho. Ne inaite itarua watukku soa, wuṛṛu nanaṛṛabbi su wal᷊en sangkatou wawine masandaga, aranne i Rahab.

YOSUA 6:12

Tiṛṛabbine marua'allo atonna, i Yosua napu'o na see su aruane manga imam wuṛṛu tantara nabbarissa namal᷊iwutta soa udde ere lai su atokke allo paarorone; dorone warisannu mandariaga su monane, wua'udde siri pitu imam matatiupa trompeta, tatantuṛṛutannu manga imam apan uapasanna Wantalu Pa'aire, wuṛṛu pangudusanne warisannu mandariaga liudde. Tantal᷊anna udde trompeta sidutu tattiupanna.

YOSUA 6:15

Su allo appitune i mangitou napu'o marua'allo su tempo matannallo wakkute sumapputa, ana see nabbarissa paapitu namal᷊iwutta soan Yerikho ringannu olange apan uasul᷊ungnga. Tumba'u su allo appitune i mangitou namal᷊iwutta soa udde paapitu anambone.

YOSUA 7:16

Tiṛṛabbine marua'allo atonna, i Yosua nandolokku taumatan Israel inai watukku saruanne, passaṛṛuanganna, ne ete ṛuanganni Yehuda niata'eanne.

YOSUA 8:10

Marua'allo atonna i Yosua napu'o wuṛṛu namarenta tantarane iapaammula. Wua'udde i tou wuṛṛu manga piaṛṛa'u Israel nangapiddu tantara udde watukku Ai.

MAL᷊AṚṚUUNGNGA 20:19

Tiṛabbine marua'allo i mangitou inaite wuṛṛu naddasante maranin soa Gibea.

1 SAMUEL 17:20

Tiṛṛabbine marua allo, i Daud napu'ote ana see nandiahite. Manga dombane tinantangnga su sangkatou mandariaga, wua'udde i tou nanganute winabbawane ana see niumamatte, ere lai buatte nirolokku iamangnge. I tou na'omate su paddasananna sutempo taumatan Israel inaite watukku tampa papangaloanna lapiddu hugio aintulin pangalo.