YOSUA 24:31 - WUKE SUSI WATTI'U AL᷊AL᷊USASSA

³¹ Su al᷊o'engngu allo i Yosua mabbiakka, ṛuangannu Israel mattaṛṛamawu Mawu. Wuṛṛu napawe i tou natete lai i mangitou sidutu mattaṛṛamawu Mawu tantal᷊anna suwallati mangitou ta'e pia manga piaṛṛa'a apan buatte naasilo sassane al᷊awo'u inolaannu Mawu su ṛuangannu Israel.

YOSUA 24:31 Iomraidhean Croise

PANDARIADDI 14:10

Wawal᷊anne udde napenen pa'al᷊ianna aspalla, wuṛṛu napawe manga ratu wuassu Sodom wuṛṛu Gomora naddea tal᷊angannu watanganne wuassu pangalo, i mangitou nanawo su manga loṛṛangnga udde. Siri tallu ratu waine naasabangnga wuṛṛu tinumal᷊angnga watukku panenteanna.

2 TAWARIKH 24:2

Su al᷊annune Imam Yoyada ta'e wiakka, inolaanni Yoas sidutu maal᷊uassa naungngu Mawu.

2 TAWARIKH 34:33

Manga paal᷊uanna apan maarantinna, apan uaraddo su manga tampa nasutta su wageangngu leta'u Israel, sarangkanambone niṛṛimunsa'i Ratu Yosia. Ana see i tou namarenta tumanangnge mattaṛṛamawu Mawu, Ruatan al᷊amonan mangitou. Ne sutempo al᷊annune i Yosia wiakka, tumanangnge sidutu tuttuṛṛutta Mawu.

WATTI'U MANGA RASUL 20:29

Su al᷊al᷊iu'u, sarun dumanta manga serigala apan waṛṛani su pattangngani yamiu. Wuṛṛu manga taumata apan rariaganni yamiu udde maola'a inassu manga serigala udde.

TAHIUL᷊E 11:2

Naungete orassa indi apan niasingkatanni yamiu ola'u Mawu, su wuassu al᷊o'engngu pabbiaṛṛannu. Manga anangngu taambe asingkatta su ola'u pabbiaṛṛanna udde. Ete i yamiu apan sidutu ual᷊ellega awawantugu Mawu Ruatanu, atatohan-Ne wuṛṛu taṛṛino-Ne

TAHIUL᷊E 11:7

Ore, ete i yamiu apan ringannu mata wuṛṛu puanu sasane buatte naasilo anambon al᷊aṛṛindu'a apan niola'u Mawu.”

TAHIUL᷊E 31:13

Ringannu olangnge aroddi manga al᷊aṛṛanangngu apan taambe naaringikka titan Mawu Ruatanu wotongnge maaringikka wuṛṛu masingkatta mangaddata Mawu su al᷊o'engngu i mangitou mabbiakka su wanua apan tate mal᷊annu lai atanaanni yamiu su samba'an Sal᷊ukku Yordan.”

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

MAL᷊AṚṚUUNGNGA 2:10

Wua'udde anambon taumata salluwane nate lai. Wuṛṛu ingana'a taumata manansunna tate lai maaillal᷊a Mawu, ana waugu i mangitou tawe naapendamma apa apan buatte niola'u Mawu su walahannu Israel.

MAL᷊AṚṚUUNGNGA 2:6

Napawe i Yosua namallosu manga taumatan Israel inaiaroddi, i mangitou lai inaite namanua su leta'a apan maola'a wageangngi mangitou sambau-sambau.

MAL᷊AṚṚUUNGNGA 2:7

Su al᷊o'engngu allo i Yosua mabbiakka, taumatan Israel sidutu mattaṛamawu Mawu. Napawe i Yosua natete, i mangitou lai ta'e mattaṛamawu Mawu, al᷊annune i mangitou nipiaṛa'u manga taumata apan buatte naasilo sassane al᷊awo'u al᷊aṛindu'a apan niola'u Mawu su taumatan Israel.