YOSUA 24:25 - WUKE SUSI WATTI'U AL᷊AL᷊USASSA

²⁵ Ne su allo udde su Sikhem i Yosua na'ola'a paddariandi ringannu taumatan Israel; wuṛṛu isudde i tou nangonggolu manga tita si mangitou wuṛṛu manga atoranna apan ṛinone olaanni mangitou.

YOSUA 24:25 Iomraidhean Croise

PANDARIADDI 35:4

Ana see i mangitou manantillu anambon paal᷊uannu monganna si Yakub apan sasahipunanni mangitou wuṛṛu lai ngante-ngante mangitou. Anambon saranapa udde nial᷊in i Yakub su al᷊ungngu alu wahewalla maranin soan i Sikhem.

2 MARARATU 11:17

I Imam Yoyada nandolokki Ratu Yoas wuṛṛu tumanangnge niapaola'a pa'aire su Mawu manungku i mangitou maola'a al᷊aṛṛana'u Mawu. I tou lai nandolokku ratu niapoala'a pa'aire ringannu tumanangnge.

2 TAWARIKH 15:12

I mangitou naddiandi su Mawu manungku ringannu ahewallu naungnga wuṛṛu niawa, i mangitou sarun mabbiakka tuttuṛṛutta apulun Mawu Ruatan al᷊amonan mangitou.

2 TAWARIKH 15:15

Tumana'u Yehuda sarangkanambone lulluassa ana waugu i mangitou buatte na'ola'a paaire udde ringannu ahewallu naungnge. I mangitou mal᷊uassa maddalo Mawu, wuṛṛu Mawu lai mal᷊uassa manengkamma si mangitou. I tou nangonggolu atatammudda su leta'i mangitou.

2 TAWARIKH 23:16

Imam Yoyada nangahe si Ratu Yoas wuṛṛu tumana'u soa suadio'a ringanni tou na'ire manungku i mangitou sarun maola'a al᷊aṛṛana'u Mawu.

2 TAWARIKH 29:10

Orassa indi i ya'u maapulu ma'ola'a paaire ringannu Mawu Ruatan Israel, tadea'u i Tou tate masa'u lai si ite.

NEHEMIA 9:38

Pinangianannu al᷊awo'u arariaddianna udde, i yami tumana'u Israel na'ola'a paaire apan matohassa wuṛṛu uawoṛṛetta, ringannu nicappanna manga piaṛṛa'i yami, manga taumatan Lewi wuṛṛu sangkatou imammi yami.

SASABANGNGA 15:25

I Musa niumal᷊iomanna ringannu atonna-tonna su Mawu, ana see Mawu namantingidda si tou alu sampaddi. Alu udde nituntungngi Musa sulal᷊ummu ua'e, ana see ua'e udde nabbal᷊i maammi, na'oman sara wotongngete ia'inumma. Su tampa udde Mawu nangonggolu manga atoranna si mangitou, wuṛṛu isudde lai i Tou namono'a si mangitou.

SASABANGNGA 24:3

Ana see i Musa inaite wuṛṛu namasingkatta su walahanna udde anambon parenta wuṛṛu atorannu Mawu. I mangitou sarangkanambone sinumimbakka sangkaṛṛindo'a, “Yami ma'apulu tumuṛṛutta anambon parenta apan niwisaran Mawu.”

TAHIUL᷊E 29:1

Indiwe manga wisaran pa'aire wuassu parentan Mawu apan niola'i Musa su walahannu Israel su tempo i mangitou su leta'u Moab. Pa'aire udde maola'a tatimune wuassu pa'aire apan niola'u Mawu si mangitou su Wowon Sinai.

YOSUA 24:1

I Yosua nangammulu anambon ṛuangannu walahannu Israel su Sikhem, ana see nandolokku manga tembonanne, piaṛṛangnge, mallaṛuṛungnga wuṛṛu manga tembonannu tantara rumanta sumaruanna. Ne nirumantate i mangitou sinamaruanna Mawu Ruata.

YOSUA 24:26

Anambon tita wuṛṛu manga atoranna udde niwoṛṛetti tou su lal᷊ummu Wuken Tita Mawu. Wua'udde i tou nanganu sambau watu wahewalla su tampa apan apianne su Mawu.